კახა კალაძე - საფუძველი მაქვს, რომ NDI-ის კვლევებს არ ვენდო, განსაკუთრებით პოლიტიკურ ნაწილში

მაქვს იმის საფუძველი, რომ არ ვენდო NDI-ის კვლევებს, განსაკუთრებით პოლიტიკურ ნაწილში, - ამის შესახებ ჟურნალისტებს დედაქალაქის მერმა კახა კალაძემ NDI-ის კვლევებზე საუბრისას განუცხადა.

როგორც კახა კალაძემ აღნიშნა, კვლევებთან დაკავშირებით მათი პოზიცია ცნობილია და თავად მასაც საკითხის თაობაზე მოსაზრება არაერთხელ დაუფიქსირებია.

„შეიძლება დაისვას კითხვა, რატომ ვართ ასე განწყობილი იმ კვლევებთან დაკავშირებით, რომელსაც ეს კონკრეტული ორგანიზაცია საქართველოში უკვეთავს იმ მკვლევარებს, ვინც ამ მიმართულებით საქმიანობს. 2012 წლიდან მოყოლებული ჩვენ შეგიძლია ამოვიღოთ მათ მიერ ჩატარებული ნებისმიერი კვლევა, შედეგები ვნახოთ და თუ როგორ ვითარდებოდა შემდეგ მოვლენები. შესაბამისად, მაქვს საფუძველი იმისა, რომ არ ვენდო კვლევებს განსაკუთრებით პოლიტიკურ ნაწილში", - განაცხადა კახა კალაძემ.

ამასთან, მან კომენტარი გააკეთა კვლევის იმ ნაწილზე, რომლის თანახმად, პრემიერის, პრეზიდენტის, პარლამენტის თავმჯდომარისა და თბილისის მერის რეიტინგში თავად ლიდერობს. როგორც კალაძემ აღნიშნა, მისთვის ყველაზე კარგი საზომი მოსახლეობასთან შეხვედრებისას საზოგადოების განწყობა და დამოკიდებულებაა დედაქალაქის მერიის მიმართ.

"ჩემთვის ყველაზე მნიშვნელოვანი არის საზოგადოებასთან კომუნიკაცია, ურთიერთობა, რაც მე მაქვს ყოველდღიურ რეჟიმში", - განაცხადა თბილისის მერმა.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 16.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია