20 ივნისის საქმეზე დაკავებულების ოჯახის წევრები სასამართლოსთან აქციას მართავენ

20-21 ივნისის საქმეზე დაკავებული 6 პირის ოჯახის წევრები და მხარდამჭერები თბილისის საქალაქო სასამართლოსთან აქციას მართავენ.

აქციის მონაწილეების განცხადებით, დაკავებულები პოლიტპატიმრები არიან და ისინი დაუყოვნებლივ უნდა გათავისუფლდნენ.

საპროტესტო აქციას შეუერთდა დეკანოზ გიორგი მამალაძის ძმა, თორნიკე მამალაძეც. როგორც ის აცხადებს, დაკავებულები უდანაშაულონი არიან და უნდა გაათავისუფლონ. მამალაძის თქმით, საქართველოს პრეზიდენტს, სალომე ზურაბიშვილს შეწყალების თხოვნით 28 აგვისტოსაც მიმართეს.

"გავრილოვის ღამის“ უდანაშაულო პატიმრების გათავისუფლებას ვითხოვ. იმის ფონზე, როცა პრეზიდენტი მკვლელებს და ნარკორეალიზატორებს იწყალებს, აუცილებლად უნდა გადაიხედოს ყველა უდანაშაულო ადამიანის საქმე, მათ შორის, ჩემი ძმის საქმეც და ის დაუყოვნებლივ უნდა გათავისუფლდეს, რადგან უდანაშაულოა", - განაცხადა მამალაძემ.

დღესვე გაიმართება 20 ივნისის საქმეზე დაკავებულების სასამართლო პროცესი, სადაც დაცვის მხარე შესავალი სიტყვით წარსდგება.

გასულ სხდომაზე, დაკავებულთაგან ერთ-ერთი, სოსო ბაჯელიძე 5 000-ლარიანი გირაოს სანაცვლოდ მას შემდეგ გაათავისუფლეს, რაც მან დანაშაული აღიარა.

იხილეთ ვიდეო: საქალაქო სასამართლოსთან 20-21 ივნისის მოვლენებზე დაკავებულების მხარდასაჭერად აქცია გაიმართა

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს