დავით მათიკაშვილი ეკა ბესელიაზე - პროკურატურაში მისვლაზე უარის თქმის მიზეზად მოუცლელობის დასახელება ბევრ კითხვას ბადებს

როდესაც ეს მძიმე დანაშაული საკუთარ თავზე გაქვს განცდილი, პირველ რიგში უნდა იყო დაინტერესებული ამ ინფორმაციის სამართალდამცავი ორგანოებისთვის გადაცემით, - ამის შესახებ უმრავლესობის წევრმა დავით მათიკაშვილმა ჟურნალისტებთან განაცხადა, რითაც გამოეხმაურა დამოუკიდებელი დეპუტატის, ეკა ბესელიას განცხადებას პირადი ცხოვრების ამსახველი კადრებით შანტაჟის შესახებ.

მისივე თქმით, პროკურატურაში არმისვლის მიზეზად მოუცლელობის დასახელება ბევრ კითხვას ბადებს.

"საკმაოდ მძიმე ბრალდებაზე გაავრცელა ინფორმაცია ქალბატონმა ეკა ბესელიამ. რაც არ უნდა აბსურდულად ჟღერდეს ეს, თუკი მისი ეს ინფორმაცია არის დანაშაულის მატარებელი, რა თქმა უნდა, პირველ რიგში, თვითონ როგორც უფლებადამცველი, როგორც ადამიანის უფლებათა დაცვის კომიტეტის ყოფილი თავმჯდომარე, თვითონ უნდა იყოს დაინტერესებული, რომ სასწრაფოდ მოახდინოს ამ ინფორმაციის გადაცემა სამართალდამცავი ორგანოებისთვის და მყისიერი რეაგირების რეჟიმში ეს დანაშაული იყოს აღკვეთილი, თუ მას ნამდვილად აქვს ადგილი," - განაცხადა დავით მათიკაშვილმა.

დეპუტატის თქმით, აღნიშნული საკითხი საკმაოდ სენსიტიურია და საკმაოდ მძიმე დანაშაულზე საუბრობს ეკა ბესელია, ამიტომ თუ ასეთ ფაქტს ადგილი ჰქონდა, რეაგირება მყისიერი უნდა იყოს.

"საზოგადოებას შევახსენებ, რომ ხელისუფლებამ 2012 წლის შემდგომ მოახდინა ასეთ ფაქტზე რეაგირება და საკუთარი მაღალჩინოსანი ჯერ გაათავისუფლა, შემდგომ კი სისხლის სამართლებრივი დევნა დაიწყო და ის იქნა გასამართლებული. იმას ვერ ვიტყვით, რომ ხელისუფლება ადეკვატურად არ იქცევა," - განაცხადა დავით მათიკაშვილმა.

შეგახსენებთ, დეპუტატ ეკა ბესელიას განცხადებით, პირადი ცხოვრების ამსახველი ფარული ჩანაწერებით ადამიანებზე ზეწოლა და შანტაჟი ახლაც ხდება და ამის რამდენიმე ფაქტი იცის.

იხილეთ ვიდეო

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“