„ნაციონალური მოძრაობა" მხარს დაუჭერს საარჩევნო კანონმდებლობის იმ ცვლილებებს, რომელიც მმართველმა გუნდმა წარმოადგინა. ამის შესახებ "ნაციონალური მოძრაობის" ფრაქციის თავმჯდომარე რომან გოცირიძემ ჟურნალისტებთან განაცხადა.
მისივე თქმით, ისინი შეეცდებიან პარლამენტი დაარწმუნონ, რომ ცვლილებების მათი ალტერნატივა უკეთესია, თუმცა თუ ამას ვერ შეძლებენ, წარმოდგენილ ცვლილებებს მხარს დაუჭერენ.
"თუ ჩვენი ვარიანტი არ გავიდა და არ დაუჭირა უმრავლესობამ მხარი და ათასი პროცენტით ასე მოხდება, ჩვენ დავუჭერთ მხარს მთავრობის მიერ წარმოდგენილ ნულოვანი ბარიერით საარჩევნო კანონის მიღებას. ჩვენი ხმა კონსტიტუციურ ცვლილებებს არ დააკლდება,"- განაცხადა რომან გოცირიძემ.