„სამართალდამცავთა რეფორმირების ცენტრის" ხელმძღვანელი ზვიად კუპრავა მის მიმართ გამოტანილ გამამტყუნებელ განაჩენს გაასაჩივრებს. ამის შესახებ ჟურნალისტებს კუპრავას ადვოკატმა, ლევან დავითაიამ სასამართლო პროცესის დასრულების შემდეგ განუცხადა.

„მიგვაჩნია, რომ ეს არის განაჩენი მტკიცებულებების გარეშე. სასამართლოს არც ერთი განმარტება არ ჰქონია, თუ რატომ მიიღო გამამტყუნებელი განაჩენი, რაც ერთმნიშვნელოვნად მიუთითებს იმაზე, რომ სასამართლოს არ აქვს არგუმენტები იმისთვის, რომ გამამტყუნებელი განაჩენი დაასაბუთოს. მიმაჩნია, რომ ეს აბსოლუტურად პოლიტიკური გადაწყვეტილებაა", - განაცხადა დავითაიამ.

შეგახსენებთ, „სამართალდამცავთა რეფორმირების ცენტრის" ხელმძღვანელი ზვიად კუპრავა ადვოკატ ირაკლი ზაქარეიშვილზე ძალადობაში სასამართლომ დამნაშავედ სცნო და მას 1000 ლარის ოდენობით ჯარიმა დაეკისრა.