გიორგი ლაფერაშვილმა პროკურატურა დატოვა. მისი გამოკითხვა დაახლოებით 2 საათის განმავლობაში მიმდინარეობდა. როგორც მან პროკურატურიდან გამოსვლის შემდეგ მედიასთან განაცხადა, ტელეკომპანია "ფორმულას" ხელმძღვანელი პირების გამოკითვაზე დაბარება ტელეკომპანიის ეთერში გასვლას საეჭვოდ დაემთხვა.

"ძალიან მოკლე კომენტარი შემიძლია გავაკეთო, გამომდინარე იქიდან, რომ დადებული მაქვს ხელწერილი გაუთქმელობაზე. თან მეცინება ამ ყველაფერზე. არაფერი ახალი და მოულოდნელი არ ყოფილა პაატა სალიას იმ ბრიფინგის შემდეგ, რომელიც დაახლოებით თვენახევრის წინ გაიმართა. გავიდა 2 თვე ამ საქმის გამოძიებიდან და პროკურატურას ტელეკომპანია "ფორმულას" გენდირექტორის და საინფორმაციო სამსახურის ხელმძღვანელის გამოკითხვა დასჭირდა მაშინ, როდესაც ტელეკომპანია „ფორმულა“ ეთერში გავიდა. ეს არის ერთადერთი რისი თქმაც შემიძლია",-განაცხადა ტელეკომპანია "ფორმულას" საინფორმაციო სამსახურის ხელმძღვანელმა, გიორგი ლაფერაშვილმა.