ამერიკის შეერთებული შტატები და ჩრდილოეთ კორეა ფხენიანის ატომურ პროგრამასთან დაკავშირებით მოლაპარაკებებს განაახლებენ. შეხვედრა კვირის ბოლოს, სტოკჰოლმში გაიმართება.
ეს ივნისის შემდეგ პირველი ოფიციალური სამუშაო შეხვედრაა, რომელიც შეერთებული შტატებისა და ჩრდილოეთ კორეის ლიდერებს შორის გაიმართება. „ალჯაზირას“ ცნობით, შეერთებული შტატების ოფიციალური პირები, ივნისიდან ცდილობენ კიმ იონგ იუნი მოლაპარაკებების მაგიდასთან დააბრუნონ.
შეგახსენებთ, ოთხშაბათს, ჩრდილოეთ კორეამ წყალქვეშა ნავიდან ბალისტიკური რაკეტა გაუშვა. ანალიტიკოსები მიიჩნევენ, რომ ფხენიანის მსგავსი ქმედებები აიძულებს ვაშინგტონს სწრაფი ნაბიჯები გადადგას.