ოკუპირებულ ცხინვალში ერთ-ერთ ცენტრალურ ქუჩას რუსეთის პრეზიდენტის ვლადიმერ პუტინის სახელი მიანიჭეს, - ამის შესახებ ინფორმაციას სააგენტო „რესი“ ავრცელებს.

ცხინვალის ე.წ. მერის, ალან კოჩიევის, განცხადებით, გადაწყვეტილება ვლადიმერ პუტინის დაბადების დღეს მის მიმართ მადლიერების გამოხატვის ნიშნად მიიღეს.

”ცხინვალის ერთ-ერთ ულამაზეს ქუჩას დღეს რუსეთის პრეზიდენტის ვლადიმერ ვლადიმიროვიჩ პუტინის სახელი დაერქმევა. სახელის გადარქმევის საკითხი დიდი ხანია განიხილება, მაგრამ სამხრეთ ოსეთის ხალხის მიმართ გამოჩენილი თანადგომის გამო მადლიერების გამოხატვის ნიშნად, სამხრეთ ოსეთის ხელმძღვანელობამ საბოლოო გადაწყვეტილება ორშაბათს, რუსეთის სახელმწიფო მეთაურის დაბადების დღეს მიიღო,“ - განაცხადა კოჩიევმა.

პუტინი დღეს 67 წლის იუბილეს აღნიშნავს.