„ნიუ-იორკ თაიმსი“ - რუსული დანაყოფი 29155 ევროპის დესტაბილიზაციისკენ მიმართულ ოპერაციებს ახორციელებს

ჯერ დესტაბილიზაცია მოხდა მოლდოვაში, რომელსაც ბულგარეთში იარაღის მოვაჭრის მოწამვლა მოჰყვა, შემდეგ იყო მონტენეგროში გადატრიალების მცდელობა. გასულ წელს ბრიტანეთში ყოფილი რუსი აგენტის მოკვლა სცადეს, -„ნიუ იორკ თაიმსის“ ინფორმაციით, დასავლეთის უსაფრთხოების სამსახურების წარმომადგენლები მიიჩნევენ, რომ ეს და კიდევ მრავალი სხვა ოპერაცია ევროპის დესტაბილიზაციისკენ მიმართული კამპანიის ნაწილია, რომელსაც რუსეთის სადაზვერვო სისტემაში არსებული ელიტარული დანაყოფი ახორციელებს.

დანაყოფი 29155 უკვე 10 წელზე მეტია მოქმედებს, თუმცა, დასავლელმა ოფიციალურმა პირებმა მის შესახებ მხოლოდ ცოტა ხნის წინ გაიგეს. დასავლური ქვეყნების სადაზვერვო სამსახურის წარმოამდგენლები აცხადებენ, რომ შეუძლებელია დაადგინო, როდის ახდებს დანაყოფი მობილიზებას და რა ოპერაციას გეგმავს.

გამოცემის თანახმად, ოფიცრები 29155 დანაყოფიდან წარმოადგენენ ვეტერანებს, რომლებიც მონაწილეობდნენ ავღანეთის, ჩეჩნეთის, უკრაინის და სხვა სისხლიან კონმფლიქტებში. დასავლეთის სადაზვერვო სამსახურების შეფასებით, მათი საქმიანობა იმდენად გასაიდუმლოებულია, რომ მისი არსებობა თავად G.R.U-სთვისაც უცნობია. სადაზვერვო სამსახურების მიერ ამ ჯგუფის გამოვლენა პირველად 2016 წლის მონტენეგროს გადატრიალების მცდელობის შემდეგ მოხდა. გეგმის მიხედვით, ორ ოფიცერს ქვეყნის პრემიერ მინისტრი უნდა მოეკლათ და პარლამენტის შენობა შტურმით აეღოთ.

იხილეთ ვიდეო: "ნიუ-იორკ თაიმსი" - რუსული დანაყოფი 29155 ევროპის დესტაბილიზაციისკენ მიმართულ ოპერაციებს ახორციელებს

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს