არასამთავრობოები  საბავშვო სამგზავრო სავარძლების გამოყენებასთან დაკავშირებულ ცვლილებებს მხარს უჭერენ

საგზაო უსაფრთხოების მიმართულებით მომუშავე ორგანიზაციები მიესალმებიან და მხარს უჭერენ საკანონმდებლო ინიციატივას, რომელიც გულისხმობს „საგზაო მოძრაობის შესახებ“ საქართველოს კანონში ცვლილებების შეტანას საბავშვო სამგზავრო სავარძლების გამოყენებასთან დაკავშირებით. ამის შესახებ „ინტერპრესნიუსს“ „საქართველოს ალიანსი საგზაო უსაფრთხოებისთვის“ აცნობეს.

კანონპროექტის მიხედვით, მძღოლი ვალდებული იქნება 12 წლამდე და 135 სანტიმეტრამდე ბავშვის მსუბუქი ავტომობილის უკანა სავარძლით გადაყვანის დროს უზრუნველყოს სპეციალური საბავშვო ეტლის, სავარძელის ან დამჭერი მოწყობილობის გამოყენება, რომელიც უნდა შეესაბამებოდეს ბავშვის სიმაღლესა და წონას.

„დღევანდელი კანონმდებლობა ვერ უზრუნველყოფს ბავშების დაცვას საგზაო სატრანსპორტო შემთხვევის დროს, პირიქით შესაძლოა სერიოზული საფრთხე შეუქმნას მოზარდს და დაშავება ან გარდაცვალება გამოიწვიოს, სწორედ ამიტომ, ბავშვებს საგზაო-სატრანსპორტო შემთხვევის დროს დამატებითი დაცვა სჭირდებათ, რასაც საბავშვო სამგზავრო სავარძლები უზრუნველყოფს“, - ნათქვამია გავრცელებულ ინფორმაციაში.

შეგახსენებთ, რომ 2018 წელს საგზაო-სატრანსპორტო შემთხვევების შედეგად საქართველოში 1 012 16 წლამდე ბავშვი დაშავდა, ხოლო 21 კი გარდაიცვალა.

საგზაო-სატრანსპორტო შემთხვევების დროს 12 წლამდე ბავშვების უსაფრთხოების უზრუნველსაყოფად აუცილებელია საბავშვო სამგზავრო სავარძლების გამოყენება, რაც 70%-მდე ზრდის ბავშვის გადარჩენის შანსს.

აღნიშნულ განცხადებას უერთდებიან: „საქართველოს ალიანსი უსაფრთხო გზებისთვის“, ფონდი „პარტნიორობა საგზაო უსაფრთხოებისთვის“, „აღმოსავლეთ ევროპის ალიანსი უსაფრთხო და სუფთა ტრანსპორტისთვის (EASST)“, „ბიზნესისა და ეკონომიკის ცენტრი“, „იარე ფეხით“, ფონდი "ელი", „ურბანული ლაბორატორია“, “ტრანსპორტისა და გზების ასოციაცია”, ჰაბ ჯორჯია, ავტომრბოლელი და ექსპერტი მევლუდ მელაძე.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია