ბიძინა ივანიშვილთან, როგორც პიროვნებასთან, არაჩვეულებრივი ადამიანური ურთიერთობები მაქვს, - ამის შესახებ მთავრობის მიერ სუს-ის ხელმძღვანელის პოსტზე წარდგენილმა გრიგოლ ლილუაშვილმა ჟურნალისტებთან თავდაცვის და უშიშროების კომიტეტის დასრულების შემდეგ განაცხადა.
როგორც გრიგოლ ლილუაშვილმა განმარტა, მიუხედავად ადამიანური ურთიერთობებისა, ბიძინა ივანიშვილი არის მმართველი პარტიის ლიდერი და ამჟამად მას საერთოდ არ ხვდება.
„ჩვენ არ ვართ მთავრობის წევრი სტრუქტურა. ანგარიშვალდებულება გვაქვს პარლამენტთან და პრემიერთან თანაბარი დოზით. შესაბამისად, პოლიტიკურ თათბირებს, მათ შორის მთავრობის სხდომებს ჩვენ არ ვესწრებით“,- განაცხადა გრიგოლ ლილუაშვილმა.
მისივე თქმით, ამჟამად ის ბიძინა ივანიშვილს არ ხვდება, თუმცა, თუ დაურეკავს და წვეულებაზე დაპატიჟებს, მასთან შეხვედრა ადამიანურ ურთიერთობებს არ გასცდება.