სოფელ ატოცთან შეიარაღებული პირები კვლავ გამოჩნდნენ. თუმცა ე.წ. სასაზღვრო სამუშაოები ჯერ არ დაუწყიათ

ქარელის მუნიციპალიტეტში, გამყოფი ხაზის პერიმეტრზე მდებარე სოფელ ატოცის განაპირას შეიარაღებული პირები ცოტა ხნის წინ კვლავ გამოჩნდნენ. თუმცა ე.წ. საზღვრის მოწყობის სამუშაოები ჯერ არ დაუწყიათ.

“ცოტა ხნის წინ გამყოფი ხაზის პერიმეტრზე კვლავ გამოჩნდა რამოდენიმე ფორმიანი პირი. ტექნიკა და სხვა გადაადგილება არ შეინიშნება. ჯერჯერობით რაიმე ტიპის სამუშაოებს აღნიშნული პირები არ აწარმოებენ”, - განუცხადა “ინტერპრესნიუსს” ქარელის მუნიციპალიტეტის მერმა ზაზა გულიაშვილმა.

საოკუპაციო ძალების წარმომადგენლები ატოცის განაპირას გუშინ დილით გამოჩნდნენ და იმ ადგილზე, სადაც რამდენიმე თვის წინ ბოძები დაამონტაჟეს, ე.წ. საზღვრის მოწყობის სამუშაოები განაახლეს.

ატოცელების განცხადებით, იმ ადგილზე, სადაც ამჟამად შეიარაღებული პირები ე. წ. საზღვრის მოწყობის სამუშაოებს აწარმოებენ, 2008 წლის რუსეთ-საქართველოს ომის შემდგომ სოფლის მოსახლეობას შეზღუდული ჰქონდა გადაადგილება.

სოფლის განაპირას ე. წ. საზღვრის აღმნიშვნელი ბანერები რამდენიმე წლის წინ დაამონტაჟეს, ბოძების მონტაჟი კი ჯერ 2008 წელს დაიწყეს, შემდეგ კი სოფლის პერიმეტრის გარკვეულ მონაკვეთზე მიმდინარე წლის გაზაფხულზე განაახლეს.

ადგილზე იმყოფებიან ქართველი სამართალდამცავები და ევროკავშირის სადამკვირვებლო მისიის მონიტორები.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება