მოსამართლის მიერ მიღებული გადაწყვეტილებით კმაყოფილი ვარ და ვაგრძელებ გამოძიებასთან თანამაშრომლობას. ამის შესახებ კასპში 7 თვის ჩვილის მკვლელობაში მსჯავრდებული არასრულწლოვნის მეუღლემ, მიხეილ დვალიშვილმა, სასამართლო პროცესის დასრულების შემდეგ ჟურნალისტებს განუცხადა.

ბრალდებულის განმარტებით, მას გაუთქმელობაზე აქვს ხელი მოწერილი. ის ჟურნალისტებთან მოკლე კომენტარით შემოიფარგლა.

"კმაყოფილი ვარ ამ გადაწყვეტილებით და ვაგრძელებ გამოძიებასთან თანამშრომლობას. ბრალდების მხარეს არ ვეთანხმები. გაუთქმელობაზე მაქვს ხელი მოწერილი და მეტს ვერაფერს ვერ დავამატებ",-აღნიშნა მიხეილ დვალიშვილმა.

შეგახსენებთ, რომ გორის რაიონულმა სასამართლომ მიხეილ დვალიშვილი აღკვეთის ღონისძიების გარეშე დატოვა. პროკურატურა 5000-ლარიან გირაოს ითხოვდა.

შეგახსენებთ, რომ მიხეილ დვალიშვილს ბრალი სისხლის სამართლის კოდექსის 11 პრიმა, 140-ე მუხლის პირველი ნაწილით წარედგინა, რაც გულისხმობს სრულწლოვნის სექსუალური ხასიათის შეღწევას დამნაშავისათვის წინასწარი შეცნობით თექვსმეტი წლის ასაკს მიუღწევლის სხეულში.