საქართველოს განათლების, მეცნიერების, კულტურისა და სპორტის სამინისტროს წარდგინებით, შოთა რუსთაველის საქართველოს ეროვნული სამეცნიერო ფონდის გენერალური დირექტორი, პროფესორი ზვიად გაბისონია, ევროკომისიის შესაბამისი სტრუქტურებმა სამი ორგანიზაციის - ევროპული კვლევების ინოვაციების სივრცის კომიტეტის (ERAC- The European Research Area Committee), კვლევითი ინფრასტრუქტურის ევროპის სტრატეგიული ფორუმის(ESFRI – European Straregy Forum on Research Infrastructures) და ევროკავშირის EOSC (European Open Science Cloud)-ის მმართველთა საბჭოს წევრად და საქართველოს წარმომადგენლად აირჩიეს. ამის შესახებ „ინტერპრესნიუსს“ შოთა რუსთაველის საქართველოს ეროვნული სამეცნიერო ფონდიდან აცნობეს.

ევროპული კვლევების ინოვაციების სივრცის კომიტეტიERAC (The European Research Area Committee) -წარმოადგენს მთავარ საკონსულტაციო ორგანოს ევროკავშირის სამეცნიერო პოლიტიკის, კვლევებისა და ინოვაციების პოლიტიკის შემუშავებისა და მხარდაჭერის მიმართულებით.

კვლევითი ინფრასტრუქტურის ევროპის სტრატეგიული ფორუმი ESFRI (European Straregy Forum on Research Infrastructures) - წარმოადგენს ევროკავშირის სტრატეგიულ ორგანოს, რომლის მიზანია ევროკავშირის და ასოცირებული ქვეყნების, სამეცნიერო ინფრასტრუქტურის განვითარება-მხარდაჭერა.

ევროკომისიის EOSC (European Open Science Cloud)-პროგრამაა, რომლის ამოცანაა ძვირადღირებული საერთაშორისო სამეცნიერო ბაზების ჩანაცვლება ხელმისაწვდომი და უფასო სამეცნიერო ბაზებით წევრი ქვეყნებისთვის.