დავით საგანელიძე - წრფელი გულით ვამბობ, ძალიან ვწუხვარ, რომ ანაკლიის პორტის პროექტი გაჭიანურდა - ეს პროექტი აუცილებელია ქვეყნისთვის

წრფელი გულით ვამბობ, ძალიან ვწუხვარ რომ ანაკლიის პორტის პროექტი ამდენი ხანი გაჭიანურდა. ეს პროექტი აუცილებელია ქვეყნისთვის, - ამის შესახებ ჟურნალისტებს „საპარტნიორო ფონდის“ აღმასრულებელმა დირექტორმა დავით საგანელიძემ განუცხადა.

საგანელიძის თქმით, რომელი ორგანიზაციის წარმომადგენლები აპირებენ ანაკლიაში ჩასვლას, არ ფლობს ინფორმაციას, თუმცა თავად არაერთი კომპანიისგან მოუსმენია მსგავსი სურვილი.

„როგორ შეიძლება, რომ ანაკლიის პორტით დაინტერესებულნი არ იყვნენ სერიოზული ბიზნესები მსოფლიოში, საფინანსო ინსტიტუტები? ანაკლიის პორტი მართლაც ერთ-ერთი უმნიშვნელოვანესია ქვეყნისა და რეგიონისთვის. ვინ აპირებს ჩასვლას კონკრეტულად ვერ გეტყვით, თუმცა მე ბევრი კომპანიისგან მომისმენია ეს სურვილი და დარწმუნებული ვარ, რომ ანაკლიის პორტის პროექტი აუცილებლად განხორციელდება. წრფელი გულით ვამბობ, ძალიან ვწუხვარ, რომ ამდენი ხანი ეს პროექტი გაჭიანურდა. მიზეზებში არ შევდივარ, მაგრამ ეს პროექტი აუცილებელია ქვეყნისთვის და გარდაუვალია მისი წარმატებული განხორციელება“, - განაცხადა საგანელიძემ.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
"სილქ როუდ ჯგუფის" განცხადება "საქანელას" პროექტის შესახებ
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს