ანა დოლიძე - როგორღაც ერთ-ერთმა მოსამართლემ ალბათ ჩაიხედა კანონმდებლობაში, სადაც წერია, რომ პრეზიდენტი ნიშნავს საბჭოს წევრს, მაგრამ არ წერია, რომ ათავისუფლებს

როგორღაც ერთ-ერთმა მოსამართლემ ალბათ ჩაიხედა საქართველოს კანონმდებლობაში და კონსტიტუციაში, სადაც წერია, რომ პრეზიდენტი ნიშნავს საბჭოს წევრს, მაგრამ არ წერია, რომ ათავისუფლებს, - ამის შესახებ იუსტიციის უმაღლესი საბჭოს წევრმა ანა დოლიძემ ჟურნალისტებს იუსტიციის საბჭოს სხდომის დაწყებამდე განუცხადა.

როგორც მან აღნიშნა, კარგი იქნებოდა მათ კანონმდებლობა მანამ შეესწავლათ, ვიდრე წარდგინებას ხელს მოაწერდნენ.

„მე დღემდე ძალიან მორჩილად ველოდები სალომე ზურაბიშვილთან იუსტიციის საბჭოს ე.წ. წარდგინებას, რომელსაც ის არ აკეთებს, სავარაუდოდ, იმიტომ რომ როგორღაც ერთ-ერთმა მოსამართლემ ალბათ, ჩაიხედა საქართველოს კანონმდებლობაში და კონსტიტუციაში, სადაც წერია, რომ პრეზიდენტი ნიშნავს საბჭოს წევრს, მაგრამ არ წერია, რომ ათავისუფლებს. ანუ შექმნილია ირაკლი კობახიძის გამოისობით დიდი საკონანმდებლო დაუდევრობა. კარგი იქნებოდა ამ 11 ადამიანს, რომელმაც მხარი დაუჭირა ამ ე.წ. წარდგინებას კონსტიტუციაში მაინც ჩაეხედა, ვიდრე ასეთ გალაშქრებას დააპირებდა“, - განაცხადა ანა დოლიძემ.

მისივე თქმით, მას საზოგადოებრივად აქტიურობას ვერავინ აუკრძალავს.

„დიმიტრი გვრიტიშვილმა კარგი სამსახური გამიწია, იმსახურებს კომპლიმენტს იმისთვის, რომ შეაგროვა მთელი განცხადებები, რაც გამიკეთებია ბოლო 4 წლის განმავლობაში. მე როგორც საქართველოს მოქალაქე ვასრულებ ჩემს მოქალაქეობრივ ვალს და საზოგადოებრივად ვაქტიურობ თემებზე, რომელიც ტკივა ქართველ ხალხს. საზოგადოებრივად საჭირბოროტო თემებზე, მაგალითად, სიღარიბეზე, აზარტულ თამაშებზე, ეკლესიაში მიმდინარე პროცესებზე, განათლება რომ არ ვარგა საქართველოში, ამ თემებზე საუბარს ვერავინ ამიკრძალავს“, - განაცხადა ანა დოლიძემ.

შეგახსენებთ, იუსტიციის უმაღლესი საბჭო საქართველოს პრეზიდენტ სალომე ზურაბიშვილს მიმართავს, საბჭოს არამოსამართლე წევრ ანა დოლიძეს უფლებამოსილება შეუწყვიტოს. აღნიშნულის შესახებ მიმართვა საბჭოს წევრებს დიმიტრი გვრიტიშვილმა წინა სხდომაზე წარუდგინა. გადაწყვეტილებას მხარი საბჭოს უმრავლესობამ დაუჭირა.

დღეს, იუსტიციის საბჭოს მორიგი სხდომა 15.00 საათზე იყო დანიშნული, თუმცა, ამ დრომდე არ დაწყებულა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს