დიდი ბრიტანეთის თემთა პალატამ სპიკერის პოსტზე ლინდსი ჰოილი აირჩია, - ამის შესახებ ინფორმაციას დასავლური მედია ავრცელებს.
კენჭისყრის დროს ჰოილის 540-დან 325-მა დეპუტატმა დაუჭირა მხარი.
„ვიქნები ნეიტრალური, გამჭირვალე; თემთა პალატა შეიცვლება, მაგრამ, რასაკვირველია, უკეთესობისკენ,“ - განაცხადა ახლად არჩეულმა სპიკერმა.
ლინდსი ჰოილი 2010 წლიდან დიდი ბრიტანეთის პარლამენტის სპიკერის ერთ-ერთი მოადგილე იყო.
შეგახსენებთ, რომ ჰოილის წინამორბედმა, ჯონ ბერკოუმ სპიკერის პოსტი მიმდინარე წლის ოქტომბერში დატოვა.