სახელმწიფო უსაფრთხოების სამსახური, საოკუპაციო ხაზთან მდებარე სოფელ ქვეშის განაპირას, საოკუპაციო ძალების წარმომადგენლების მიერ 28 წლის ზაქრო ბუთხუზის დაკავების ფაქტს ადასტურებს.

როგორც „ინტერპრესნიუსს“ სუს-ში განუცხადეს, აღნიშნულთან დაკავშირებით ამოქმედებულია ცხელი ხაზი.

„ვადასტურებთ ინფორმაციას. ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია“,-აცხადებენ სუს-ში.

ცნობისთვის, გორის მუნიციპალიტეტში, გამყოფ ხაზთან მდებარე სოფელ ქვეშის განაპირას, საოკუპაციო ძალების წარმომადგენლებმა ქვეშში მცხოვრები 28 წლის ზაქრო ბუთხუზი დააკავეს. არსებული ინფორმაციით, ზაქრო ბუთხუზი 4 წლის წინაც იყო დაკავებული და დე ფაქტო რეჟიმის წარმომადგენლებმა მაშინ ე.წ. საზღვრის უკანონოდ გადაკვეთაში დასდეს ბრალი.