"თიბისი ბანკი" მომხმარებელს გადახდის თანამედროვე და კომფორტულ სისტემას - სალარო ტერმინალს სთავაზობს. ამის შესახებ „ინტერპრესნიუსს“ „თიბისი ბანკიდან“ აცნობეს.

მათივე ინფორმაციით, სალარო ტერმინალი ინოვაციური პროდუქტია, რომელიც პოს ტერმინალის და სალარო აპარატის ფუნქციებს ერთ მოწყობილობაში აერთიანებს. სალარო აპარატი მნიშვნელოვნად დაზოგავს მომხმარებლის დროს და მისი გამოყენებით შესაძლებელი იქნება, როგორც გადახდა, ისე ქვითრის ბეჭდვა ნაღდი და უნაღდო ანგარიშსწორებისას.

„ტერმინალის გამოყენებით, მასზე ბრუნვის მიხედვით, კიდევ უფრო გამარტივდა ბიზნესესხით სარგებლობაც.

ბანკის ცნობით, სალარო ტერმინალის ინსტალაცია, საკურიერო და ტექნიკური მომსახურება, ასევე მისი გამოყენების შესახებ კონსულტაცია უფასოა.

სალარო ტერმინალის შესახებ დეტალური ინფორმაციის მიღება შესაძლებელია, როგორც ცხელ ხაზზე დარეკვით (2 272727), ისე "თიბისი ბანკის" ნებისმიერ ფილიალში სტუმრობით ან ვებ გვერდზე - https://www.tbcbank.ge/web/ka/web/guest/cash-terminal“, - ნათქვამია ინფორმაციაში.