მე, როგორც იურისტს და მათ შორის მოქალაქეს, ყველაზე მეტად რაც იუსტიციის უმაღლეს საბჭოში არ მომწონს, ეს არის განსხვავებულ აზრთან დაკავშირებით მიდგომა, - ამის შესახებ უზენაესი სასამართლოს მოსამართლეობის კანდიდატმა ალექსანდრე წულაძემ იურიდიულ საკითხთა კომიტეტზე განაცხადა.

როგორც მან აღნიშნა, ის საბჭოს წევრების მიერ ერთმანეთის აზრების უფრო მეტ მიმღებლობას ისურვებდა.

ამით კანდიდატმა დეპუტატ ეკა ბესელიას შეკითხვას უპასუხა, რა არ მოსწონს მას იუსტიციის უმაღლესი საბჭოს საქმიანობაში და რას შეცვლიდა.

„მე, როგორც ადვოკატურის წარმომადგენელი ვიტყოდი, რომ იუსტიციის უმაღლესი საბჭო არის ძალიან მნიშვნელოვანი პოლიტიკის გამტარებელი ორგანო. ვისურვებდი, რომ საბჭო უფრო ეფექტური იყოს. გარდა ამისა, მე, როგორც იურისტს და მათ შორის მოქალაქეს, ყველაზე მეტად რაც არ მომწონს, ეს არის განსხვავებულ აზრთან დაკავშირებით მიდგომა. საბჭოში და ზოგადად ქვეყანაში პრობლემაა თითქოს ის, რომ ადამიანს განსხვავებული აზრი აქვს. მე საბჭოს წევრების მიერ ერთმანეთის აზრების უფრო რბილ და მეტ მიმღებლობას მივესალმებოდი,“ - განაცხადა კანდიდატმა.