მედია მაიქლ ბლუმბერგს 2020 წლის არჩევნებში ტრამპის სავარაუდო მეტოქედ ასახელებს

შეერთებული შტატების საპრეზიდენტო მარათონს, სავარაუდოდ, კიდევ ერთი მილიარდერი, მაიქლ ბლუმბერგი შეუერთდება. ინფორმაციას „ბიბისი“ ავრცელებს. გამოცემის ცნობით, ბლუმბერგს საპრეზიდენტო კანდიდატად „დემოკრატები“ წარადგენენ.

როგორც მისი პრესსპიკერი აცხადებს, ნიუ-იორკის ყოფილი მერი დარწმუნებული არაა, რომ უკვე დასახელებული კანდიდატები შეძლებენ 2020 წლის არჩევნებში დონალდ ტრამპი დაამარცხონ.

„დემოკრატების“ მხრიდან, ტრამპის სავარაუდო მეტოქეებად 17 კანდიდატი განიხილება. მათ შორის არიან ყოფილი ვიცე-პრეზიდენტი ჯო ბაიდენი, მასაჩუსეტსის სენატორი ელიზაბეთ ვორენი და ვერმონტის სენატორი ბერნი სანდერსი.

ბლუმბერგის წარმომადგენლის თქმით, „ახლა მათ უნდა დაამტკიცონ, რომ ტრამპის დამარცხება შესაძლებელია, მაგრამ მაიქლ ბლუმბერგი შეშფოთებულია, რომ არსებული კანდიდატები ამას ვერ შეძლებენ“.

ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
ქართული პრესის მიმოხილვა 21.09.2020
ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)