ლევან გოგიჩაიშვილი - გვყავს უბინძურესი მოსამართლეები და დაწყევლილი იუსტიციის საბჭო - დამოუკიდებელი სასამართლოს შექმნა წარმოუდგენელია

წარმოუდგენელია ამ ქვეყანაში დამოუკიდებელი სასამართლოს შექმნა, სადაც არის უბინძურესი მოსამართლეები და დაწყევლილი იუსტიციის უმაღლესი საბჭო, რომლებიც წლების განმავლობაში ემსახურებოდნენ ადეიშვილს, - ამის შესახებ პარლამენტის დამოუკიდებელმა დეპუტატმა ლევან გოგიჩაიშვილმა ჟურნალისტებს განუცხადა.

როგორც გოგიჩაიშვილმა აღნიშნა, თუ ახლანდელი პარლამენტი უზენაესი სასამართლოს მოსამართლეების წარმოდგენილ კანდიდატებს მხარს დაუჭერს, 2020 წელს ახალმა პარლამენტმა მათი იმპიჩმენტის საკითხი უნდა დაიწყოს.

"პროცესი, რომელიც წარიმართა საქართველოს პარლამენტში, არის იმ ბრძოლის მონაპოვარი, რომელსაც შარშან 10-კაციანი სიის ჩაგდებით მივაღწიეთ. იცით, რომ "ქართული ოცნების" ხელმძღვანელობას უნდოდა ჩინჩალაძე ქურდულად გაეხადა უზენაესი სასამართლოს წევრი. ეს იყო ბიძინა ივანიშვილის ინტერესში. კარგად უნდა გვესმოდეს, რომ ამ პროცესის მთავარი ორგანიზატორია ბიძინა ივანიშვილი, რომელმაც ადეიშვილის და სააკაშვილის მემკვიდრეობა გადმოიფორმა სასამართლოსა და პროკურატურაში ამ ძალიან ბინძური მოსამართლეების სახით. ამ ბინძურ მოსამართლეებს აქვთ საკუთარი სახელები და გვარები - ჩინჩალაძე, მურუსიძე, ალანია, ჯეირანაშვილი და ა.შ. რომლებიც წლების განმავლობაში სააკაშვილს უქმნიდნენ სისხლიან რეჟიმს, სადაც ადამიანები წამების და არაადამიანური მოპყრობის მსხვერპლი იყვნენ, ასევე ქონების ჩამორთმევის და ძალიან ცუდი დამოკიდებულების სახელმწიფოს მხრიდან. სამწუხაროდ, ბიძინა ივანიშვილმა ეს სისტემა გადმოიბარა და ამის გასაღება უნდა, როგორც თანამედროვე, დამოუკიდებელი სასამართლოსი. წარმოუდგენელია ამ ქვეყანაში დამოუკიდებელი სასამართლოს შექმნა, სადაც ჩემი აზრით, არის უბინძურესი მოსამართლეები და დაწყევლილი იუსტიციის უმაღლესი საბჭო, რომლებიც წლების განმავლობაში ემსახურებოდნენ ადეიშვილს", - განაცხადა გოგიჩაიშვილმა.

როგორც დეპუტატმა აღნიშნა, ის მოსამართლეების კანდიდატებს მხარს არ დაუჭერს.

"მოვუწოდებ საზოგადოებას, სერიოზული მობილიზაცია გავაკეთოთ იმისათვის, რომ ძალიან სერიოზული ფასი გადაიხადოს "ქართულმა ოცნებამ", თუ ის აპირებს ამ ადამიანების უზენაესი სასამართლოს წევრებად გაყვანას. უნდა დავიწყოთ პროცესი და ადამიანებს შევეკითხოთ, რამდენად ემხრობიან ისინი უვადოდ მოსამართლეების არჩევის ინსტიტუტს. ასევე მოსამართლეებმა უნდა იცოდნენ, რომ მთავარი საარჩევნო ხაზი გაივლის მათ წინააღმდეგ და მომავალი პარლამენტის ამოცანა უნდა იყოს, რომ თუ ეს მოსამართლები აღმოჩნდებიან უზენაეს სასამართლოში, პარლამენტმა უნდა დაიწყოს მათ წინააღმდეგ იმპიჩმენტი 2020 წელს, თუ დღეს არ გვეყოფა ძალა. ასევე, მაქსიმალურად უნდა შევეცადოთ, რომ ეს სია ჩავარდეს, რადგან ეს არის ბოროტების სია, რეჟიმის სია და დემოკრატიის წინააღმდეგ მიმართული სია, ეს არის მცდელობა, რომ ამ ქვეყანაში ისევე დამკვიდრდეს ერთმმართველობა, როგორიც სააკაშვილს ჰქონდა იმ 9 წლის განმავლობაში. დღეს ჩვენი დემოკრატია გადის ამ სიაზე",- განაცხადა გოგიჩაიშვილმა.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 20.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)