ჩრდილოეთ კორეის საგარეო უწყების წარმომადგენელმა იაპონიის პრემიერს „იდიოტი“, „საცოდავი ძაღლი“ და „ჯუჯა“ უწოდა

ჩრდილოეთ კორეის საგარეო საქმეთა სამინისტროს წარმომადგენელმა იაპონიის პრემიერ-მინისტრს შინზო აბეს „იდიოტი“ უწოდა. ჩრდილოეთ კორეის საგარეო საქმეთა სამინისტროს წარმომადგენლის თქმით, იაპონია ისე იქცევა „თითქოს ატომური ბომბი დაეცა“.

საქმე ეხება იაპონიის მიერ ჩრდილოეთ კორეისადმი გამოთქმულ განცხადებებს, როდესაც ფხენიანი რამდენიმე დღის წინ გაშვებული „სუპერ-დიდი“ რაკეტების გამო გააკრიტიკეს.

„ძალიან ბუნებრივია, რომ აბე განიხილება როგორც საცოდავი ძაღლი და ჯუჯა, რომელიც ვერ ახერხებს, რომ იაპონია, სამხრეთ კორეასთან ერთად საერთაშორისო პოლიტიკურ ასპარეზზე ცენტრალურ მოთამაშედ ჩამოყალიბდეს“,-ნათქვამია საგარეო საქმეთა სამინისტროს წარმომადგენლის განცხადებაში, რომელიც ადგილობრივმა სააგენტომ გაავრცელა.