კასპის მუნიციპალიტეტის ტერიტორიაზე, გამყოფ ხაზთან მდებარე სოფელ კოდისწყაროს განაპირას, საოკუპაციო ძალების წარმომადგენლებმა ორი მამაკაცი დააკავეს. ამ დროისთვის არსებული ინფორმაციით, დაკავებულები დე ფაქტო რეჟიმის მიერ კონტროლირებად ტერიტორიაზე გადაიყვანეს.

სოფლის მაცხოვრებლების თქმით, ზურაბ ტუხიაშვილი და რამაზ ზადიშვილი, სავარაუდოდ, საოკუპაციო ხაზთან მდებარე სოფლების - ყარაფილასა და კოდისწყაროს მიმდებარედ იმყოფებოდნენ, სადაც მათი დაკავება მოხდა.