კასპის მუნიციპალიტეტის ტერიტორიაზე, გამყოფ ხაზთან მდებარე სოფელ კოდისწყაროს განაპირას, საოკუპაციო ძალების წარმომადგენლების მიერ ორი მამაკაცის დაკავების ფაქტს სახელმწიფო უსაფრთხეობის სამსახური ადასტურებს.
როგორც „ინტერპრესნიუსს“ სუს-ში განუცხადეს, ორი პირი ე.წ. საზღვრის კვეთის ბრალდებითაა დაკავებული. მათივე ცნობით, ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია.