მარიამ ჯაში - "ქართულ ოცნებაში" დაბრუნებას გამოვრიცხავ

„როდესაც ღებულობ ასეთ გადაწყვეტილებას და ღებულობ მას პრინციპის გათვალისწინებით, დაბრუნების შესაძლებლობაზე საუბარი არასერიოზულია", - ასე უპასუხა საპარლამენტო უმრავლესობიდან წასულმა დეპუტატმა მარიამ ჯაშმა ჟურნალისტების კითხვას, დაბრუნდება თუ არა მმართველ გუნდში თუკი ბიძინა ივანიშვილი სთხოვს მას ამას.

ჯაშის განცხადებით, იგი „ქართულ ოცნებაში" დაბრუნებას გამორიცხავს. ამასთან, მისივე ინფორმაციით, ბიძინა ივანიშვილს მასთან კომუნიკაცია ამ დრომდე არ ჰქონია.

"ჩემთან ჯერ კომუნიკაცია არ ყოფილა, თუმცა არ გამოვრიცხავ, რომ იყოს ამის მზაობა და სურვილი. ბუნებრივია, როდესაც წლები გაკავშირებს მმართველ გუნდთან, ასეთი გადაწყვეტილების მიღების შემდგომაც გაგრძელდეს კონსულტაცია, მაგრამ აქვე გიდასტურებთ, რომ "ქართულ ოცნებაში" დაბრუნებას გამოვრიცხავ. ეს არის ჩემი პრინციპული გადაწყვეტილება. მე გუშინ სწორედ პატივისცემის და იმ ურთიერთობის გათვალისწინებით, რომელიც მაკავშირებდა მმართველ გუნდთან, არ მქონდა უფლება, რომ ჩემი კოლეგები არ ჩამეყენებინა საქმის კურსში ჩემი გადაწყვეტილების თაობაზე. რამდენიმე საათი მე მქონდა საუბარი როგორც არჩილ თალაკვაძესთან, ასევე ირაკლი კობახიძესთან და სხვა კოლეგებთან.

როდესაც ღებულობ ასეთ გადაწყვეტილებას და ღებულობ მას პრინციპის გათვალისწინებით, დაბრუნების შესაძლებლობაზე საუბარი არასერიოზულია,"- განაცხადა მარიამ ჯაშმა.

სამიმავლო გეგმებთან დაკავშირებით დასმული კითხვის საპასუხოდ, მარიამ ჯაში აცხადებს, რომ შესაძლებელია კოლეგების მხრიდან ფრაქციაში გაერთიანების შეთავაზება მიიღოს, თუმცა დამოუკიდებელ დეპუტატად დარჩენას ამჯობინებს.

"რეალურად, სპონტანურად მომიწია ამ გადაწყვეტილების მიღება. დღეს გამიჭირდება ნებისმიერ სამომავლო გეგმაზე საუბარი. ვფიქრობ, ჩემი კოლეგების მხრიდან შესაძლოა იყოს ფრაქციაში გაერთიანების თაობაზე შემოთავაზება. მიუხედავად ამისა, დღევანდელი მოცემულობიდან უპირატესობას ვანიჭებ და ვფიქრობ, დამოუკიდებელ დეპუტატად დარჩენა იქნბა უფრო მართებული გადაწყვეტილება,"- განაცხადა ჯაშმა

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის