აფხაზური მედიის ცნობით, სოხუმის, გაგრის, ტყვარჩელის და გუდაუთის თავზე დაკვამლიანება შეინიშნება. აღნიშნულ ინფორმაციას „სპუტნიკ აფხაზია“ ავრცელებს.
ცეცხლის სალიკვიდაციო სამუშაოებში ადგილობრივ ძალებთან ერთად, რუსული ავიაციაც ჩართულია. აფხაზეთის საგანგებო სიტუაციების დე ფაქტო სამინისტროს ცნობით, ცეცხლის ჩაქრობას კიდევ რამდენიმე დღე დასჭირდება, რადგან ხანძარი ტყის დიდ მასივებზეა გავრცელებული და მძიმე დაკვამლიანების გამო, ავიაციას ადგილებთან მიახლოება უჭირს.
ოკუპირებული აფხაზეთის ე.წ. საგანგებო სიტუაციათა სამინისტრომ ცეცხლის პირველი კერების შესახებ 10 ნოემბერს განაცხადა. 15 ნოემბერს ცეცხლის ჩასაქრობ სამუშაოებში რუსული ავიაცია ჩაერთო.