ფადი ასლი - ნებისმიერი პოლიტიკოსი, რომელსაც სჯერა ივანიშვილის რიტორიკის, გინესის რეკორდების წიგნში უნდა შევიდეს, როგორც პლანეტის ყველაზე მიამიტი პოლიტიკოსი

ნებისმიერი პოლიტიკოსი, საქართველოში თუ მის საზღვრებს გარეთ, რომელსაც კიდევ სჯერა ივანიშვილის გამოსვლების თუ მისი რიტორიკის, შეყვანილ უნდა იქნას გინესის რეკორდების წიგნში, როგორც პლანეტის ყველაზე გულუბრყვილო და მიამიტი პოლიტიკოსი,- ამის შესახებ საერთაშორისო სავაჭრო პალატის ეროვნული კომიტეტის (ICC Georgia) თავმჯდომარის ფადი ასლის ღია წერილშია აღნიშნული.

ფადი ასლი აქვეყნებს წერილს სათაურით- “ბიძინა ივანიშვილი, ანუ ტყუილებისა და სიცრუის შვიდი წელი...”. წერილში აღნიშნულია, რომ ბიძინა ივანიშვილის მმართველობა ტყუილზე იყო დამყარებული. ფადი ასლის თქმით, ივანიშვილი ქართველებს და მათ შორის თავისი გუნდის წევრებს ატყუებდა.

რაც შეეხება, პროპორციულ საარჩევნო სისტემას, როგორც ფადი ასლი წერს, ივანიშვილმა გააგზავნა წარმომადგენლები ვაშინგტონში, ბრიუსელში და სტრასბურგში, რათა გაეცნო თავისი ინიციატივა და მას კი, პირადად, „დემოკრატიის ლიდერის“ სახელი განმტკიცებოდა. არადა, ის ჰოლივუდის სტილში დადგმას ამზადებდა, რომელშიც მონაწილეობდნენ „ურჩი“ დეპუტატები, რომლებმაც კენჭისყრის დროს „შეეწინააღმდეგენ“ მის ინიციატივას და კანონი ჩააგდეს.

„ყველაზე საინტერესო მაშინ მოხდა, როდესაც მისდამი ლოიალურად განწყობილმა პარლამენტარებმა, რომლებმაც ხმა მისცეს „ოფიციალური“ ინსტრუქციის მიხედვით, დატოვეს პარტია კანონის ჩავარდნის შემდეგ, ხოლო ე.წ. „ამბოხებულები“ კვლავ პარტიის წევრებად რჩებიან.ივანიშვილის მთელი პოლიტიკა ტყუილზე და სიცრუეზეა აგებული. მან ქვეყანა იქ მიიყვანა, სადაც იგი 15 წლის წინ იყო, მოარყია ყველა მისი ინსტიტუცია. ის არის დე ფაქტო პრეზიდენტი, პრემიერ-მინისტრი, პარლამენტის თავმჯდომარე, გენერალური პროკურორი, უზენაესი სასამართლოს თავმჯდომარე და ასევე ერთადერთი მნიშვნელოვანი ინვესტორი ქვეყანაში.

ფაქტიურად, მან ქვეყანა აქცია ერთ მეგა-კომპანიად, რომელიც სრულად ეკუთვნის მას და რომლის დირექტორთა საბჭოს თავმჯდომარეც და გენერალური მენეჯერიც ის თავად არის“,-აცხადებს ფადი ასლი.

ამასთან, ფადი ასლი ინვესტიციება და ანკლიის ღრმაწყლოვან პორტსა და დასავლურ ინტეგრაციაზე საუბრობს. მისი შეფასებით, დღესდღეობით, საინვესტიციო ინტერესის თვალსაზრისით, საქართველომ სრულად დაკარგა მიმზიდველობა. მისივე თქმით, პირდაპირი უცხოური ინვესტიციების ციფრები 2019 წელს მრავლისმეტყველია და მიაღწია 2006 წლის მინიმალურ ზღვარზე ქვედა ნიშნულს.

„სელექტიურად უცხოელი ინვესტორების უარყოფის პოლიტიკამ ივანიშვილს მისცა შესაძლებლობა, გამხდარიყო ერთადერთი მნიშვნელოვანი ინვესტორი ქვეყანაში. ამ პოზიციას იგი პირველი დღიდან იყენებდა, რათა ექსპონენციალურად გაეზარდა მისი კერძო ბიზნესი, სახელმძღვანელო წიგნებში მოყვანილი ინტერესთა კონფლიქტების, ნეპოტიზმის, ჩრდილოვანი გარიგებების, ძალაუფლების გადამეტების და კორუფციის გამოყენებით.

ივანიშვილის მითითებებით, გენერალურმა პროკურატურამ, შემოსავლების სამსახურმა, ფინანსური მონიტორინგის სამსახურმა და საქართველოს ეროვნულმა ბანკმა ჩაატარეს TBC Bank -ის აუდიტი და „აღმოაჩინეს“ ერთი 11-წლის წინანდელი ფინანსური ტრანზაქცია, რომელსაც ყალბად და განზრახულად დაერქვა „ფულის გათეთრება“. ეს გაკეთდა იმისთვის, რომ მომხდარიყო თბს/ანკლიას დამფუძნებლების დისკრედიტირება და შესაბამისად, საერთაშორისო საფინანსო ინსტიტუტებს უარი ეთქვათ პორტის განვითარების დაფინანსებაზე.

იმავე დროს, ივანიშვილი მითითებებს აძლევდა მათავრობას, ხმამაღლა და მკვეთრად გამოეხატა საერთაშორისო საზოგადოების წინაშე ანაკლიის პორტისათვის მხარდაჭერა, რომ ეს იყო სავარაუდოდ საუკეთესო პროექტი ქვეყნისათვის და რომ მთავრობა ძალას არ დაიშურებს მის განსახორციელებლად“,-აღნიშნულია წერილში.

რაც შეეხება დასავლეთის ორიენტაციას და ნატო-ს, ფადი ასლის განცხადებით, კულისებში ივანიშვილმა ყველაფერი გააკეთა, რათა ხელი შეეწყო და განევითარებინა კრემლის მეგობრული განწყობა ქვეყანაში, აძლიერებდა რა პრორუსულ ულტრა-მემარჯვენე ძალებს, მართლმადიდებელ ექსტრემისტებს და ანტი-ლგბტ ჯგუფებს, ხოლო თვალებს ხუჭავდა მოსკოვის მცოცავ ოკუპაციაზე, რათა დაემშვიდებია რუსები და ხელი შეეწყო საქართველოს ტურიზმი რუსეთში, მიეღო მაღალი თანამდებობის პირები რუსეთიდან. მოკლედ, ივანიშვილი აკეთებს ყველაფერს, რაც შეუძლია, რომ საზოგადოებრივი აზრი გადახაროს პრო-დასავლურიდან პრო-რუსულზე.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა