ვახტანგ ძაბირაძე - ივანიშვილის ხელისუფლება დათმობაზე არ წამოვა - ამისთვის ისეთი მძლავრი უნდა იყოს საპროტესტო ტალღა, როგორიც იყო 2003 ან 2012 წლებში

ბიძინა ივანიშვილის ხელისუფლება დათმობაზე არ წამოვა. ამისთვის იმდენად მძლავრი უნდა იყოს საპროტესტო ტალღა, როგორიც იყო 2003 წლის ნოემბერში, ან 2012 წლის ოქტომბერში,- ამის შესახებ „ინტერპრესნიუსს“ პოლიტიკის ექსპერტმა, ვახტანგ ძაბირაძემ განუცხადა.

მისი შეფასებით, ოპოზიციური პარტიების ერთი მიზნის ქვეშ გაერთიანება სწორი გადაწყვეტილებაა, თუმცა, მათ კოორდინირებული მოქმედებები აკლიათ, „ხელისუფლება კი, საკმაოდ ჭკვიანურად მოქმედებს“.

„გუშინდელმა დღემ აჩვენა ის, რომ ხელისუფლებამ მოახდინა ძალის დემონსტრირება და გააგრძელა ის პოლიტიკა, რაც ჰქონდა 20-21 ივნისს. გზავნილი ასეთია - ისინი გამოიყენებენ ძალას, როცა საჭიროდ ჩათვლიან.

ხელისუფლებამ გუშინ მიტინგი არ დაარბია, გაწმინდა. კი ბატონო, დაშავდნენ ადამიანები, მაგრამ გარეგნულად როგორ გამოიყურებოდა ეს ყველაფერი? არ ვიცი ვინ აძლევს ამ რეკომენდაციებს, მაგრამ საკმაოდ ჭვიანურად მოქმედებს ხელისუფლება, რათა არ შეიქმნას აზრი, რომ ის მიტინგებს არბევს.

ხელისუფლება ვერ გრძნობს საფრთხეს, ოპოზიცია ამას უნდა მიხვდეს და უნდა დაიწყოს გეგმაზომიერი მუშაობა იმისთვის, რომ მოსახლეობაში შექმნას სხვა რეალობა. იმით, რაც რუსთაველზე კეთდება, ეს არ შეიქმნება. პერმანენტული აქციები თუ გაგრძელდა, მას ექნება ისეთივე დასასრული, როგორიც ჰქონდა 2009 წელს. დღევანდელი ოპოზიციის ლიდერები ხელისუფლებაში იყვნენ იმ დროს და უნდა ხვდებოდნენ ამას.

ვერ გეტყვით, რამდენად შეძლებს ოპოზიცია და მათი დღევანდელი ლიდერები რაიმეს შეცვლას, მაგრამ ოპოზიციურად განწყობილი ამომრჩეველი, ჯამურ ამომრჩეველს ვგულისხმობ, „ნაციონალური მოძრაობის“ და „ევროპული საქართველოს“ დროშის ქვეშ არ გაერთიანდება, ესეც უნდა გაითვალისწინოს ოპოზიციამ, რომ შედეგი მიიღოს,“- აცხადებს ვახტანგ ძაბირაძე.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა