თამარ ხულორდავამ პარლამენტში ევროპასთან ინტეგრაციის კომიტეტის თავმჯდომარის კაბინეტი დაცალა.
როგორც დეპუტატმა ჟურნალისტებს განუცხადა, მას სურვილი აქვს მომავალშიც ევროპასთან ინტეგრაციის კომიტეტში განაგრძოს მუშაობა. მან წარმატებები უსურვა კომიტეტის მომავალ თავმჯდომარეს.
რაც შეეხება „ქართული ოცნებიდან“ მასთან ერთად წასულ სხვა დეპუტატებს, თამარ ხულორდავა ამბობს, რომ კონსულტაციები იმართება.
"დიდ ნაწილს მიღებული გვაქვს გადაწყვეტილება, რომ დავრჩეთ პარლამენტში იმ მანდატის ფარგლებში, რომელიც მიღებული გვაქვს 2016 წლის არჩევნების შემდეგ. თუ შესაძლებლობა გვექნება, რომ უფრო ორგანიზებული სახით და ფრაქციის სახით ვიყოთ წარმოდგენილები,ეს რა თქმა უნდა, ჩვენს პოზიციებს გააძლიერებს," - განაცხადა თამარ ხულორდავამ.