ოკუპირებული „სამხრეთ ოსეთის“ მედიის ცნობით, „საგარეო საქმეთა მინისტრმა“ დიმიტრი მედოევმა ბრიუსელში ევროპარლამენტარ ტატიანა ჟდანოკთან შეხვედრა გამართა. ტატიანა ჟდანოკი, ევროპარლამენტში მწვანეთა ფრაქციის და ევროპის თავისუფალი ალიანსის წევრია.
გამოცემის ცნობით, ევროპარლამენტის ლატვიელმა დეპუტატმა განაცხადა, რომ „სამხრეთ ოსეთი“ ევროპის ყველა ჯანსაღი ძალის მიერ დამოუკიდებელ სახელმწიფოდ აღიქმება.
„თავის დროზე ჩვენ მკაცრად დავგმეთ ჯერ პრეზიდენტ გამსახურდიას, შემდეგ შევარდნაძის ხელმძღვანელობით საქართველოს სახელმწიფო საბჭოს და სააკაშვილის სამხედრო აგრესია 2008 წელს. დღეს სამხრეთ ოსეთი დამოუკიდებელი სახელმწიფოა და ამას ევროპის ყველა ჯანსაღი ძალა აღიქვამს“,-ციტირებს „სპუტნიკ ოსეტია“ ტატიანა ჟდანოკის განცხადებას.