ჯერემი კორბინი - „ბრექსითის“ საკითხზე გამართულ რეფერენდუმზე კეთილსინდისიერი ბროკერი ვიქნები

ბრიტანეთის „ლეიბორისტული პარტიის“ ლიდერი ჯერემი კორბინი აცხადებს, რომ იმ შემთხვევაში, თუ ის დიდი ბრიტანეთის პრემიერ-მინისტრი გახდება, „ბრექსითის“ საკითხზე გამართულ გადამწყვეტ რეფერენდუმზე ნეიტრალურ პოზიციას დაიჭერს,- ამის შესახებ ინფორმაციას „ბიბისი“ ავრცელებს.

გამოცემის ცნობით, კორბინმა ეს განცხადება „ბიბისის“ დებატების დროს გააკეთა, სადაც ქვეყნის ოთხი წამყვანი პარტიის ლიდერი მაყურებლის კითხვებს პასუხობდა.

„გადამწყვეტი რეფერენდუმის დროს არცერთი მხარის მხარდამჭერ კამპანიას ვაწარმოებ და კეთილსინდისიერი ბროკერი ვიქნები,“ - ჯერემი კორბინმა.

რეფერენდუმის შესახებ ჯერემი კორბინმა რამდენიმე დღის წინ დიდი ბრიტანეთის პრემიერ-მინისტრ ბორის ჯონსონთან გამართული პირველი წინასაარჩევნო სატელევიზიო დებატების დროსაც განაცხადა. მისი თქმით, „ბრექსითის“ შესახებ ევროკავშირთან ხელახალ მოლაპარაკებებს გამართავს, საბოლოო სიტყვის თქმის უფლებას კი ხალხს მისცემს, ჩაატარებს რეფერენდუმს და ხალხის სურვილის მიხედვით იმოქმედებს.

რიგგარეშე საპარლამენტო არჩევნები დიდ ბრიტანეთში 12 დეკემბერს გაიმართება. გამოკითხვები აჩვენებს, რომ „კონსტერვატორებს“ ამომრჩეველთა 42 პროცენტი უჭერს მხარს, „ლეიბორისტებს“ - 30 პროცენტი, „ლიბერალ-დემოკრატებს“ -15 პროცენტი, „ბრექსითის პარტიას“ კი - ამომრჩეველთა 4 პროცენტი.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა