„ქართული ოცნების“ ოფისში ბიძინა ივანიშვილისა და მაჟორიტარების შეხვედრის დასრულების შემდეგ, ადგილზე მოძრაობა "შეცვალეს" წევრები მივიდნენ და აქცია გამართეს. ისინი სკანდირებდნენ: "შეცვალე".
"როდესაც ტელეეკრანებიდან დავინახეთ, რომ „ქართული ოცნების“ ოფისში ხდებოდა შეკრება, მაშინვე დავაორგანიზეთ ეს აქცია. სამწუხაროდ, მოასწრეს და ისევე ლაჩრულად გაიპარნენ, როგორც დაიპარებიან ხოლმე. ჩვენ მაინც მოვედით და მაინც შევუქმნით დისკომფორტს „ქართულ ოცნებას“ ყველგან, სადაც ისინი მივლენ და მათ უნდა იცოდნენ, რომ სანამ ისინი თავიანთ დანაპირებს არ შეასრულებენ, ჩვენ არ ვაპირებთ გაჩერებას, მივიყვანთ ამ საქმეს ბოლომდე და ეს ბრძოლა ჩვენი გამარჯვებით, ქართველი ხალხის გამარჯვებით დასრულდება," - განაცხადა მოძრაობა შეცვალეს წევრმა ოთარ ათათიამ.