ლუქსემბურგის საგარეო საქმეთა მინისტრის ჟან ასელბორნის თქმით, ევროკავშირმა უნდა აღიაროს პალესტინა, როგორც დამოუკიდებელი სახელმწიფო. ამის შესახებ მან „შპიგელთან“ ინტერვიუში განაცხადა.
მისივე ინფორმაციით, ამ გზით, ევროკავშირი დააბალანსებს ვაშინგტონისა და დონალდ ტრამპის პოლიტიკას ახლო აღმოსავლეთში.
„ევროკავშირის მიერ პალესტინის აღიარება იქნება გზავნილი იმისა, რომ პალესტინელებსაც სჭირდებათ სამშობლო, სჭირდებათ სახელმწიფო, ისევე როგორც ისრაელის მოქალაქეებს“,-განაცხადა ასელბორნმა.
მინისტრის განცხადებით, საერთაშორისო სამართლის პრინციპების შეუსრულებლობა ახლო აღმოსავლეთს დამატებით 5 მილიონ დევნილს შესძენს, რაც „შეუძლებელია ისრაელის ინტერესებში იყოს“.