თბილისში დაჭრილი 25 წლამდე ახალგაზრდა მამაკაცი მკურნალობას ინგოროყვას კლინიკაში გადის. არსებული ინფორმაციით, მას ჭრილობა ცეცხლსასროლი იარაღით ზედა კიდურის არეში აქვს მიყენებული.

როგორც „ინტერპრესნიუსს“ შსს-ში განუცხადეს, მომხდართან დაკავშირებით საგამოძიებო მოქმედებები გრძელდება და დამნაშავე დაკავებული არ არის.

ცნობისთვის, თბილისში რამდენიმე საათის წინ ახალგაზრდა მამაკაცი დაჭრეს. მომხდარზე გამოძიება სისხლის სამართლის კოდექსის ორი მუხლით, 19-108, რაც განზრახ მკვლელობას ითვალისწინებს და 236-ე იარაღის უკანონო შეძენა-შენახვა-ტარების მუხლებით არის აღძრული.