ქართული პრესის მიმოხილვა 27.11.2019

რუსული მედია: საქართველოსთან ავიამიმოსვლის აღდგენა საახალწლოდ იგეგმებოდა, მაგრამ საპროტესტო აქციების გამო გადაიდო

ოპოზიციის პროტსტი ზედმეტად რადიკალურია... ღმერთმა ქნას, ყველაფერი ჩაწყნარდეს - გიორგი ოთხმეზური

***

რუსული მედია: საქართველოსთან ავიამიმოსვლის აღდგენა საახალწლოდ იგეგმებოდა, მაგრამ საპროტესტო აქციების გამო გადაიდო

“რუსეთი საქართველოსთან პირდაპირი ავიამიმოსვლის აღდგენას სააახალწოდ აპირებდა, მაგრამ ქვეყანაში შექმნილი პოლიტიკური კრიზისისა და თბილისში დაწყებული საპროტესტო აქციების გამო, ამ გადაწყვეტილების მიღება 2020 წლის დასაწყისისთვის გადაიდო - ამის შესახებ რუსული "იზვესტია“ წერს რუსეთის ხელისუფლებაში თავის წყაროებზე დაყრდნობით”, - წერს გაზეთი "რეზონანსი“ სტატიაში სათაურით, რუსული მედია: საქართველოსთან ავიამიმოსვლის აღდგენა საახალწლოდ იგეგმებოდა, მაგრამ საპროტესტო აქციების გამო გადაიდო

"როგორც "იზვესტიას“ წყარო აცხადებს, მართალია საქართველოში „ანტირუსულმა ისტერიამ“ იკლო, მაგრამ „თბილისის ქუჩებში საპროტესტო მასის ყოფნა არ ტოვებს იმ შთაბეჭდილებას, რომ იქ რუსი ტურისტებისათვის უსაფრთხო გარემოა“. აღსანიშნავია, რომ ხვალ პრაღაში აბაშიძე-კარასინის ფორმატში მორიგი ქართულ-რუსული შეხვედრა იგეგმება და საუბრის ერთ-ერთი თემა სწორედ ავიამიმოსვლა იქნება. თუმცა, მოსკოვში აცხადებენ, რომ ავიამიმოსვლის შეწყვეტის გადაწყვეტილება 8 ივლისს მოსკოვმა ერთპიროვნულად მიიღო და შესაბამისად, მისი აღდგენაც ასევე ერთპიროვნულად, ქართულ მხარესთან კონსულტაციის გარეშე მოხდება”, - აღნიშნავს გამოცემა.

"მოლაპარაკების კიდევ ერთი თემა სავარაუდოდ ე.წ. საზღვრის უკანონო კვეთის ბრალდებით დაკავებული ქართველი ექიმის, ვაჟა გაფრინდაშვილის გათავისუფლება იქნება. თუმცა, როგორც „იზვესტიასთან“ საუბარში თავად გრიგორი კარასინმა განაცხადა, ეს უფრო ჟენევის მოლაპარაკებათა ფორმატში განსახილველი საკითხია. ამის პარალელურად საქართველოსა და რუსეთს შორის ავიამომისვლასთან დაკავშირებით ერთი საინტერესო ცნობაც გავრცელდა.რუსული მედიის ცნობით, ოფიციალურმა მოსკოვმა ავიამიმოსვლით დაზარალებული რუსული ავიაკომპანიები „გადააგდო“. ზაფხულში, პრაქტიკულად ავიამიმოსვლის შეწყვეტისთანავე გაკეთდა განცხადება, რომ რუსეთის ხელისუფლება კომპენსაციას გადაუხდიდა იმ ავიაკომპანიებს, რომლებმაც ამ გადაწყვეტილების გამო წაგება ნახეს. ამ დღეებში კი გაირკვა, რომ რუსეთის ხელისუფლება ამის გაკეთებას წელს ვერ ახერხებს და ეცდება კომპენსაციისათვის საჭირო თანხა - დაახლოებით 50 მილიონი დოლარი - მომავალი წლის ბიუჯეტში გაწეროს”, - წერს სტატიის ავტორი.

ოპოზიციის პროტესტი ზედმეტად რადიკალურია... ღმერთმა ქნას, ყველაფერი ჩაწყნარდეს - გიორგი ოთხმეზური

"მგონია, რომ მათი პროტესტი ნელ-ნელა ნულისკენ წავა, რადგან ხალხის მხარდაჭერა მათ ნაკლებად აქვთ", - ასე აფასებს "რეზონანსთან" ისტორიკოსი გიორგი ოთხმეზური ოპოზიციის საპროტესტო გამოსვლებსა და შექმნილ კრიზისულ ვითარებას”, - წერს გაზეთი "რეზონანსი“ სტატიაში სათაურით, ოპოზიციის პროტსტი ზედმეტად რადიკალურია... ღმერთმა ქნას, ყველაფერი ჩაწყნარდეს - გიორგი ოთხმეზური

"მისივე შეფასებით, ხელისუფლების მიერ დაპირების არშესრულებით გაჩენილი სამართლიანი უკმაყოფილების ზედმეტად რადიკალიზება ხდება, რაშიც დამნაშავე „ნაციონალური მოძრაობაა". „ოპოზიციის პროტესტი ზედმეტად რადიკალურია. საკმაოდ რთული მდგომარეობაა. ღმერთმა ქნას, რომ ყველაფერი ჩაწყნარდეს, ყველაფერი თავის კალაპოტში ჩადგეს და ქვეყანა ნორმალური განვითარების გზით წავიდეს”, - აღნიშნავს გამოცემა.

"კი, ბატონო, დაპირებასავით იყო თქმული, უნდა შესრულებულიყო და არ შესრულდა, მაგრამ განსაკუთრებულად ვინ აპროტესტებს, ამასაც ხომ აქვს მნიშვნელობა. როგორ შეიძლება ამათ გვერდით დადგომა, არ მესმის. ეს ხომ თითიდან გამოწოვილი ამბავია... მართალი ითქვა ერთი რამ - რომ როდესაც პარლამენტში თავის დროზე ეს საკითხი დადგა, „ნაციონალური მოძრაობა" და მისი განშტოება კენჭისყრაზე არ მივიდა და მაშინ კენჭისყრა იმიტომ ჩავარდა. თორემ არავითარი პრობლემა არ დადგებოდა. „დღეს მე ასე მგონია, რომ მაჟორიტარების პოტესტი გამოწვეულია იმით, რომ პროპორციულ სისტემაში მათი ადგილი არ რჩება. ხელისუფლებას უფრო მეტი უნდა ემუშავა, რომ ისინი დაერწმუნებინა, მაგრამ ამის გულისთვის ამხელა აჟიოტაჟი და ქვეყნის დაქცევა არ ღირს", -აცხადებს ოთხმეზური”, - განაგრძობს გამოცემა.

"იგი მიიჩნევს, რომ აქციის წყლის ჭავლით და სპეცრაზმის საშუალებით დაშლა ნორმის ფარგლებში იყო, რადგან, მისი თქმით, თანამშრომლებისა და დეპუტატების პარლამენტში არშეშვება ძალადობის ერთ-ერთი ფორმაა. „მგონია, რომ ეს ნორმის ფარგლებში იყო, იმიტომ, რომ სადღაც რომ არ უშვებ, უკვე ძალადობაა. „არ მგონია, რომ ოპოზიციას ხალხის მხარდაჭერა ჰქონდეს. მგონია, რომ მათი პროტესტი ნელ-ნელა ნულისკენ წავა, რადგან ხალხის მხარდაჭერა მათ ნაკლებად აქვთ", - აცხადებს ოთხმეზური”, - წერს სტატიის ავტორი.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს