ქვეყანაში სიტყვის თავისუფლება არის გარანტირებული და გამოხატვის თავისუფლება არის დაცული, თუმცა, პროტესტის ფორმები უნდა იყოს მხოლოდ კანონიერი, - ამის შესახებ ჟურნალისტებს მთავრობის სხდომის დასრულების შემდეგ გარემოს დაცვისა და სოფლის მეურნეობის მინისტრმა ლევან დავითაშვილმა განუცხადა.
მისივე თქმით, მოსახლეობა საკუთარ განწყობის დაფიქსირების შესაძლებლობა 2020 წლის არჩევნებზე ექნება.
„სამწუხაროა, რომ არ შედგა პროპორციულ არჩევნებზე უფრო ადრე გადასვლა, პირადად ჩემთვის და ბევრი ჩემი კოლეგისა და თანაგუნდელისთვის, ეს სამწუხაროა. ის რომ პროპორციული არჩევნები არის ერთადერთი სამართლიანი გზა და შერეული არჩევნები არ არის სამართლიანი, ეს ალბათ, არარეალურია, არასწორია. ამ შემთხვევაში გამოდის, რომ ყველა ის ხელისუფლება, რომელიც გვყოლია, ლეგიტიმური არ არის, რაც მე ვფიქრობ, რომ საფუძველს მოკლებულია,“ - განაცხადა დავითაშვილმა.