გრიგორი კარასინი - ექიმ გაფრინდაშვილთან დაკავშირებით საკითხი, ვფიქრობ, უახლოეს პერიოდში მოგვარდება

ჩვენ არ უნდა დავუშვათ მსგავსი შემთხვევები მომავალში, ეს საკითხი ექიმ გაფრინდაშვილთან დაკავშირებით, ვფიქრობ, უახლოეს პერიოდში მოგვარდება- განცხადება ამის შესახებ რუსეთის პარლამენტის ზედა პალატის წევრმა გრიგორი კარასინმა ზურაბ აბაშიძესთან პრაღაში გამართული მოლაპარაკების მორიგი რაუნდის შემდეგ გააკეთა. მისი თქმით, უფრო აქტიურად უნდა ამოქმედდეს ჟენევის მოლაპარაკების ფარგლებში ჯერ კიდევ 2008-2009 წლებში შექმნილი ინსტრუმენტები.

ზურაბ აბაშიძემ დააყენა ექიმ ვაჟა გაფრინდაშვილის საკითხი. ჩვენ, რა თქმა უნდა, საქმის კურსში ვიყავით, გვქონდა კონტაქტი სხვადასხვა დონეზე ქართულ და ოსურ მხარესთან. ვიმედოვნებთ, რომ ეს პრობლემა უახლოეს პერიოდში გადაიჭრება, მაგრამ ამავდროულად, ჩვენი მხრიდან გაიჟღერა მოსაზრებამ იმასთან დაკავშირებით, რომ მუდმივ საფუძველზე უნდა ამოქმედდეს ჟენევის დისკუსიის ფარგლებში ჯერ კიდევ 2008-2009 წლებში შექმნილი ინსტრუმენტები, ისეთები, როგორიც არის ინციდენტების აღმოფხვრის მექანიზმი. ეს მექანიზმი უნდა ვაიძულოთ, რომ იმუშავოს, უნდა ავამუშავოთ ცხელი ხაზი. უფრო მეტად მიზანმიმართულად უნდა იქნას გამოყენებული ჟენევის დისკუსიების თანათავმჯდომარეების შესვლა დედაქალაქებში, ისინი ხომ არიან ხოლმე ცხინვალსა და სოხუმში, თუმცა განთავსებულები თბილისში არიან. თუ ეს ინსტრუმენტები ამუშავდება, ჩვენ გვექნება გარანტიები, რომ მსგავსი დრამატული მოვლენები არ განმეორდება. უნდა ამოქმედდეს ჟენევის დისკუსიის ყველა ინსტრუმენტი, რომლებიც მოცემული მომენტისთვის სრულად ამოქმედებული არ არის. ჩვენ ვცვლით ინფორმაციას, საგარეო საქმეთა სამინისტროებს აქვთ კომუნიკაცია, მაგრამ ეს საკმარისი არ არის. ჩვენ არ უნდა დავუშვათ მსგავსი შემთხვევები მომავალში, ეს საკითხი ექიმ გაფრინდაშვილთან დაკავშირებით კი ვფიქრობ, უახლოეს პერიოდში მოგვარდება“, - განაცხადა გრიგორი კარასინმა.

იხილეთ ვიდეო

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 12.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება