გავაგრძელებთ ფიქრს, თუ როგორ, როდის და როგორი ფორმით განვაახლებთ პირდაპირ ავიარეისებს - განაცხადა რუსეთის პარლამენტის ზედა პალატის წევრმა გრიგორი კარასინმა პრაღაში, რუსეთთან ურთიერთობის საკითხებში საქართველოს პრემიერ-მინისტრის სპეციალურ წარმომადგენელთან ზურაბ აბაშიძესთან შეხვედრის შემდეგ. მისი თქმით, ამ პრობლემის მოგვარების მყისიერი გადაწყვეტილება ახალ წლამდე მოსალოდნელი არ არის.

„ამ მიმართულებით წინსვლას გავაგრძელებთ. არ შეიძლება, ველოდოთ მყისიერად გადაწყვეტას ფრენების განახლების მიმართულებით ახალ წლამდე, მაგრამ გავაგრძელებთ ფიქრს იმასთან დაკავშირებით, თუ როგორ, როდის და როგორი ფორმით განვაახლებთ პირდაპირ რეისებს. ამასთან დაკავშიშირებით შეთანხმება მიღწეულია. ვიფიქრებთ და დავაკვირდებით ორმხრივი ურთიერთობების განვითარების ტენდენციასა და რუსეთის ფედერაციასთან დაკავშირებით ქართულ საზოგადოებასა და თბილისის ქუჩებში არსებულ ატმოსფეროს. რა თქმა უნდა ყველაფერი ურთიერთდაკავშირებულია“, - განაცხადა გრიგორი კარასინმა.