უზენაეს სასამართლოში სახელმწიფოს პასუხისმგებლობაზე  სემინარი გაიმართა

საქართველოს უზენაესი სასამართლოს პლენუმის დარბაზში, საერთაშორისო სამართლებრივი თანამშრომლობის გერმანული ფონდის (IRZ) მხარდაჭერით და უზენაეს სასამართლოსთან პარტნიორობით, სახელმწიფოს პასუხისმგებლობის თემაზე სემინარი გაიმართა. ამის შესახებ „ინტერპრესნიუსს“ უზენაესი სასამართლოდან აცნობეს.

მათი ინფორმაციით, სემინარში უზენაესი სასამართლოს მოსამართლეები მაია ვაჩაძე, ნუგზარ სხირტლაძე, საკონსტიტუციო სასამართლოს მოსამართლე მერაბ ტურავა, თსუ-ს პროფესორი პაატა ტურავა, უზენაესი სასამართლოს სამოქალაქო და ადმინისტრაციულ საქმეთა პალატების მოსამართლეთა თანაშემწეები მონაწილეობდნენ. ამასთან, კონფერენციის მონაწილეებს სიტყვით მიესალმენ საქართველოს უზენაესი სასამართლოს თავმჯდომარის მოვალეობის შემსრულებელი მზია თოდუა და IRZ-ს სამხრეთ-აღმოსავლეთ ევროპა II და სამხრეთ კავკასიის პროექტების ხელმძღვანელი ფრანკ ჰუფველდი.

თემაზე ,,სახელმწიფოს პასუხისმგებლობა გერმანიაში“ მონაწილეებს მოხსენება წარუდგინა კასელის მხარის სასამართლოს მოსამართლემ, დოქტორმა ოლივერ ალდეამ. მომხსენებელმა ისაუბრა ისეთ მნიშვნელოვან საკითხებზე, როგორიცაა: სახელმწიფოს პასუხისმგებლობის სამართლებრივი საფუძვლები გერმანიაში, პასუხისმგებლობა სახელმწიფოს მართლსაწინააღმდეგო ქმედებაზე (განსაკუთრებით სახელწიფო ორგანოს პასუხისმგებლობა), პასუხისმგებლობა სახელმწიფოს მართლზომიერ ქმედებაზე, პასუხისმგებლობა სახელმწიფოს მიერ საკუთრების ხელყოფაზე, სახელმწიფოს პასუხისმგებლობის მოთხოვნა ევროპული სამართლის მიხედვით, სახელმწიფოს პასუხისმგებლობის გამომწვევი შემადგენლობისა და სასამართლო კომპეტენციების მიმოხილვა. სახელმწიფოს პასუხისმგებლობის გამომწვევი შემადგენლობების განხილვა ცალკეული შემთხვევების საფუძველზე. მოსამართლე ოლივერ ალდეას მიერ წარმოდგენილი მოხსენების შემდეგ გაიმართა დისკუსია ცალკეულ საკითხებზე კითხვა პასუხის რეჟიმში.

თემაზე ,,სამართლებრივი საფუძვლები და სახელმწიფოს პასუხისმგებლობასთან დაკავშირებული სასამართლო პრაქტიკა საქართველოში“, - მონაწილეებს მოხსენება წარუდგინა თბილისის სახელმწიფო უნივერსიტეტის პროფესორმა პაატა ტურავამ. მის მოხსენებაში აქცენტები გაკეთდა ისეთ საკითხებზე, როგორიცაა: ტერმინოლოგიური გამიჯვნა - სახელმწიფოს პასუხისმგებლობა და ადმინისტრაციული ორგანოს პასუხისმგებლობა, სახელმწიფოს პასუხისმგებლობის ქართული მოდელი - სახელმწიფოს პასუხისმგებლობა თუ სოლიდარული პასუხისმგებლობა? სახელმწიფოს პასუხისმგებლობის სამართლებრივი საფუძვლები - სამოქალაქო და ადმინისტრაციული კანონმდებლობის ურთიერთმიმართება, სამსახურეობრივი მოვალეობის განხორციელებისას მიყენებული ზიანისთვის პასუხისმგებლობის ელემენტები(საკ-ის 208-ე და სსკ-ის 1005-ემუხლები) და სხვა.

შეხვედრის დასასრულს შემაჯამებელი დისკუსია გაიმართა და სემინარმა მუშაობა დღეს დაასრულა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო