„ახალი საქართველოს“ წარმომადგენელი - დადასტურდა, რომ „ქართული ოცნება“ პირწმინდად მიყვება ქვეყნის გაღარიბების, გაუნათლებლობის და ჭაობში ჩახრჩობის გეგმას

საერთაშორისო კვლევის შედეგებს „ახალი საქართველოს“ განათლების მიმართულების ხელმძღვანელი, ნანა ტოხვაძე ეხმაურება. როგორც ტოხვაძე აღნიშნავს, PISA -ს 2018 წლის ანგარიშში ნათლად ჩანს ის, რომ განათლების სისტემა საქართველოში 2015 წელთან შედარებით მკვეთრად გაუარესებულია.

„დღეს კიდევ ერთხელ დადასტურდა, რომ „ქართული ოცნება“ და ბიძინა ივანიშვილის პირადი მესვეურები, პირწმინდად მიყვებიან ქვეყნის გაღარიბების, გაუნათლებლობისა და ჭაობში ჩახრჩობის გეგმას. დღეს ცნობილი გახდა PISA 2018 წლის საერთაშორისო კვლევის შედეგები, სადაც 2015 წელთან შედარებით მკვეთრად გაუარესებულია ჩვენი მოსწავლეების მიღწევები! ჩვენი მოზარდები OCED - ის საშუალოს დიდი ხანია ჩამორჩებოდნენ წიგნიერებას, მათემატიკასა და მეცნიერებაში, მაგრამ ამჯერად ბოლოდან მე-8 ადგილზე აღმოვჩნდით და ჩამოვრჩებით აზერბაიჯანს, ყაზახეთს, თუმცა ვუსწრებთ პანამას და ინდონეზიას. აი, სადამდე მიგვიყვანა „ქართული ოცნების“ ხელისუფლების ზედაპირულმა და აგდებულმა დამოკიდებულებამ განათლების მიმართ.

თუ ბიძინა ივანიშვილის ახალ გეგმასაც გავითვალისწინებთ, რაც შეიძლება სწრაფად და ეფექტურად დაცალოს საქართველო, ჩვენი მოქალაქეები დაასაქმოს იაფ მუშახელად და გახიზნოს ევროპის მასშტაბით, მაშინ განათლების სამინისტროს დაჯილდოება არ აცდება ამ სავალალო შედეგების მიღებისთვის", - აცხადებს ნანა ტოხვაძე.

ინფორმაციას „ახალი საქართველოს“ პრესსამსახური ავრცელებს.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა