ომბუდსმენი მიიჩნევს, რომ უზენაესი სასამართლოს მოსამართლეობის კანდიდატების შერჩევის წესის არაკონსტიტუციურად ცნობაზე სარჩელი დაგვიანებული არ არის

სახალხო დამცველი ნინო ლომჯარია მიიჩნევს, რომ უზენაესი სასამართლოს მოსამართლეობის კანდიდატების შერჩევის წესის არაკონსტიტუციურად ცნობაზე სარჩელი დაგვიანებული არ არის. ომბუდსმენი მიიჩნევს, რომ კანდიდატების იუსტიციის სამინისტროში შერჩევის პროცესი კონსტიტუციის ორ მუხლს ეწინააღმდეგება - კანდიდატის შერჩევა ხდება ფარულად და დაუსაბუთებლად და კანდიდატს ერთმევა სამართლიანი სასამართლოს უფლება, რადგან ვერ ახდენს გადაწყვეტილების გასაჩივრებას.

„მიგვაჩნია, რომ სარჩელი დაგვიანებული არ არის. მიგვაჩნია, რომ ჩვენ გვაქვს მყარი მტკიცებულებები, როგორც თეორიულ, ასევე პრაქტიკულ დონეზე, რომ ეს კანონი არის არაკონსტიტუციური.

ერთმა მოსამართლემ უკვე თქვა უარი ყოფილიყო კანდიდატი. არის სულ მცირე ერთი ვაკანსია, ასევე პარლამენტმაც განაცხადა, რომ სავარაუდოდ, ყველა კანდიდატის დამტკიცება არ მოხდება, ამიტომ, დღევანდელ სხდომაზე ჩვენ დავაყენებთ შუამდგომლობას ნორმის შეჩერების თაობაზე, იმისათვის, რომ მომავალი პროცესები, რომელიც გარდაუვალია, შეჩერდეს“, - განაცხადა ნინო ლომჯარიამ.

შეგახსენებთ, რომ საკონსტიტუციო სასამართლოში პლენუმი უზენაესი სასამართლოს მოსამართლეების კანდიდატების შესარჩევ წესთან დაკავშირებით სახალხო დამცველის სარჩელს განიხილავს.

იხილეთ ვიდეო:

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს