სომხეთის ექსპრეზიდენტ სერჟ სარგსიანს 4-დან 8 წლამდე პატიმრობა ემუქრება

სომხეთის ყოფილ პრეზიდენტს სერჟ სარგსიანს 4-დან 8 წლამდე პატიმრობა ემუქრება. სწორედ ამ სახის სასჯელს ითვალისწინებს ექსპრეზიდენტის წინააღმდეგ აღძრული სისხლის სამართლის შესაბამისი მუხლი, რომელიც განსაკუთრებით დიდი რაოდენობით ფინანსური სახსრების მითვისებას გულისხმობს. ამის შესახებ ქვეყნის სპეციალური საგამოძიებო სამსახური იუწყება.

მათივე ცნობით, აღკვეთის ღონისძიების სახით სარგსიანს გაუსვლელობის ხელწერილი დაადებინეს.

საგამოძიებო უწყების ინფორმაციით, სარგსიანმა პრეზიდენტობის პერიოდში 2013 წლის 25 იანვრიდან 7 თებერვლამდე ოფიციალური პირების ჯგუფთან ერთად განახორციელა დაახლოებით 1 მილიონ აშშ დოლარამდე ოდენობის თანხის (489 160 310 სომხური დრამის) მიტაცების ორგანიზება.

საქმის მასალების მიხედვით, სავარაუდო დანაშაული უკავშირდება სომეხი ფერმერებისთვის დიზელის საწვავის მიწოდების სახელმწიფო პროგრამას.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა