საქართველოს საგარეო უწყების ხელმძღვანელი  ბრატისლავაში ეუთო-ს მინისტერიალის ფარგლებში პოლონელ კოლეგას იაცეკ ჩაპუტივიჩს შეხვდა

საქართველოს საგარეო უწყების ხელმძღვანელი ბრატისლავაში ეუთო-ს მინისტერიალის ფარგლებში პოლონელ კოლეგას იაცეკ ჩაპუტივიჩს შეხვდა, - ამის შესახებ „ინტერპრესნიუსს“ საგარეო საქმეთა სამინისტროდან აცნობეს.

მათივე ინფორმაციით, მინისტრებმა მიმოიხილეს ორმხრივი ურთიერთობის დღის წესრიგი. დადებითად შეფასდა ქვეყნებს შორის თანამშრომლობის მიმდინარეობა, მაღალი დონის ვიზიტების გაცვლა და ასევე ურთიერთმხარდაჭერა.

ქართულმა მხარემ ხაზი გაუსვა პოლონეთის მხარდაჭერის მნიშვნელობას როგორც ორმხრივ ასევე მრავალმხრივ ფორმატებში და მადლობა გადაუხადა პოლონეთს მათ შორის ეუთოს ფარგლებში საქართველოს აქტიური მხარდაჭერისთვის.

მინისტრებმა ისაუბრეს საქართველოს ოკუპირებულ რეგიონებში ბოლო განვითარებებზე და დაგმეს ექიმ ვაჟა გაფრინდაშვილის უკანონო დაკავების ფაქტი. მინისტრებმა გამოთქვეს მზადყოფნა მომავალშიც აქტიურად ითანამშრომლონ როგორც ორმხრივი სტრატეგიული პარტნიორობის განსამტკიცებლად, ასევე საქართველოს ევროპული და ევრო-ატლანტიკური დღის წესრიგის და მიზნების რეალიზაციისთვის.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე