ისრაელის პრემიერ-მინისტრის ბენიამინ ნეთანიაჰუს განცხადებით, მთავრობის ახალი მეთაური პირდაპირი არჩევნების გზით უნდა აირჩიონ. ამ გზით, ისრაელი მიმდინარე წელს რიგით მე-3 რიგგარეშე არჩევნებს აირიდებს თავიდან.
აღსანიშნავია, რომ 11 დეკემბერს ისრაელის პარლამენტს მინისტრთა კაბინეტის ფორმირების ვადა ეწურება, რომლის შეუსრულებლობის შემთხვევაშიც ქვეყანაში რიგგარეშე არჩევნები გაიმართება.
შეგახსენებთ, რომ ისრაელში საპარლამენტო არჩევნები 17 სექტემბერს გაიმართა, სადაც უმრავლესობის ფორმირება ვერცერთმა პარტიამ ვერ შეძლო. იგივე მოხდა 9 აპრილს გამართული არჩევნების შემთხვევაშიც.