გიორგი კახიანი - თამარ ჩუგოშვილის შეფასებები გადაჭარბებულია

ასეთი შეფასებები მიმაჩნია გადაჭარბებულად, თუმცა, კანონპროექტის ჩავარდნამ ჩემშიც გამოიწვია იმედგაცრუება და გასაკვირი არ არის, რომ იმედგაცრუება იქნებოდა უცხოელ მეგობრებშიც, - ასე ეხმიანება პარლამენტის ვიცე-სპიკერი გიორგი კახიანი ჟურნალისტებთან თამარ ჩუგოშვილის განცხადებებს.

მისივე თქმით, დღეს უკვე არის კონკრეტული მოცემულობა და კონკრეტულ მოდელზე უნდა შეჯერდნენ.

"სისტემას რაც შეეხება, ეს კონსტიტუციით არის დადგენილი და ეს იქნება შერეული საარჩევნო სისტემა, თუმცა, შერეული საარჩევნო სისტემის ფარგლებში როგორ შეიძლება დავხვეწოთ მაჟორიტარული მანდატების გადანაწილების საკითხი ისე, რომ ეს იყოს მეტად მისაღები, მათ შორის ოპოზიციისთვის, ამაზე სამსჯელოდ მზად ვართ,"- განაცხადა გიორგი კახიანმა.

დამოუკიდებელმა დეპუტატის თამარ ჩუგოშვილის განცხადებით, სისტემა, რომელიც ჩვენ გვაქვს ქვეყანაში, უსამართლოა. „ეს სისტემა უზრუნველყოფს მარტივ რამეს: მოსახლეობის ნახევარზე ნაკლების მხარდაჭერით, ის აბსოლუტურ ძალაუფლებას აძლევს ერთ პოლიტიკურ ძალას“, - განაცხადა პლენარულ სხდომაზე თამარ ჩუგოშვილმა.

პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
ქართული პრესის მიმოხილვა 15.01.2021
იაგო კაჭკაჭიშვილი  - „ოცნების“ „დაისი“ ახლოვდება, ივანიშვილმა დაასწრო მისი, როგორც დამარცხებული ლიდერის როლში ყოფნის პერსპექტივას  და წასვლით ერთგვარად თავი დაიზღვია
პირველი დამოუკიდებელი სარეკლამო სტუდია 29 წელს ითვლის
ტერაბანკი BDO Digital-თან პარტნიორობით პროცესების რობოტიზაციას (RPA) იწყებს
პროკრედიტ ბანკის სათავო ოფისი მსოფლიოს მწვანე შენობების სიაში შევიდა