დავით ბაქრაძე - მოვითხოვთ, ქალბატონმა ზურაბიშვილმა შეიარაღებული ძალების წინაშე ბოდიში მოიხადოს

მოვითხოვთ, ქალბატონმა ზურაბიშვილმა ბოდიში მოიხადოს შეიარაღებული ძალების წინაშე, - ამის შესახებ „ევროპული საქართველოს“ ლიდერმა დავით ბაქრაძემ პრეზიდენტის გუშინდელი განცხადების შეფასებისას განაცხადა.

მისი თქმით, სალომე ზურაბიშვილის განცხადება „არის შეურაცხყოფა და შეტევა ამ ქვეყნის ყველაზე პატივსაცემ და მხარდაჭერილ სახელმწიფო ინსტიტუტზე”.

„საქართველოს მთავარსარდალი საუბრობს იმაზე, რომ საქართველოს არ ჰყავს და არც ეყოლება არმია. მიგვაჩნია, რომ ეს არის შეურაცხყოფა და შეტევა ამ ქვეყნის ყველაზე პატივსაცემ და მხარდაჭერილ სახელმწიფო ინსტიტუტზე. ჩვენ პატივი უნდა ვცეთ თითოეულ ადამიანს, რომელიც იარაღით ხელში, ფორმით იცავს ჩვენი ქვეყნის უსაფრთხოებას.

თითოეული ასეთი ადამიანი არის გმირი, რადგან ისინი საკუთარ სიცოცხლეს წირავენ იმისთვის, რომ ეს ქვეყანა არსებობდეს.

არმიის წინააღმდეგ ასეთი განცხადებების გაკეთება, ეს არის არმიაზე შეტევაც და ეს არის სახელმწიფოს ინსტიტუციონალური ფუნდამენტის გამოთხრაც. განსაკუთრებით საგანგაშოა, როდესაც ამას აკეთებს პრეზიდენტი, ადამიანი, რომელიც უნდა იყოს დაკავებული ჯარის ინსტიტუტის გაძლიერებით.

მოვითხოვთ, ქალბატონმა ზურაბიშვილმა ბოდიში მოიხადოს შეიარაღებული ძალების წინაშე, თითოეული ჯარისკაცისა და ოფიცრის წინაშე და განსაკუთრებით იმ ჯარისკაცების წინაშე, ვინც ცოტა ხნის წინ ავღანეთში ტერორისტული შეტევის შედეგად დაშავდა”,- განაცხადა ბაქრაძემ.

ცნობისთვის, საქართველოს პრეზიდენტის განცხადებით, „ჩვენ არც ჯარი გვაქვს, არც იარაღი და არც გვექნება, არც ის დიდი ეკონომიკური პოტენციალი გვაქვს, რომ რეგიონი დავიპყროთ, მაგრამ ჩვენ გვაქვს ის ძლიერი იარაღი, რასაც ჰქვია ცოდნა, მეცნიერება, კულტურა“.

იხილეთ ვიდეო

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს