თინა ბოკუჩავა ანრი ოხანაშვილს - ვერ ხედავთ, უკვე თოჯინად რომ გამოიყურებით მანდ?

ვერ ხედავთ რა დევალუირებულია პარლამენტი, უკვე თოჯინად რომ გამოიყურებით თქვენ მანდ?, - ამ სიტყვებით მიმართა „ერთიანი ნაციონალური მოძრაობის“ წევრმა, თინა ბოკუჩავამ პარლამენტის იურიდიულ საკითხთა კომიტეტის თავმჯდომარეს, ანრი ოხნაშვილს.

ანრი ოხანაშვილმა თინა ბოკუჩავას დამშვიდებისკენ და თავის შეკავებისკენ რამდენჯერმე მოუწოდა. „დაელოდეთ თქვენს რიგს, ხმას დაუწიეთ“, - მიმართა ოხანაშვილმა ბოკუჩავას.

„ჩვენ არ გთვლით ღირსად, რომ აქ შემოვიდეთ, იმიტომ ვართ ბოიკოტში, მაგრამ როცა შემოვდივართ და ამას საჭიროდ ჩავთვლით, კეთილი იქნებეთ და მოგვეცით იმის უფლება, სიტყვით გამოვიდეთ და ხალხის ხმა გაგაგონოთ. პოლიციის კორდონების უკან იმალებით, რკინის კონსტრუქციების უკან, მაგრამ ეს არ გიშველით, იმიტომ, რომ ქართველი ხალხი მაინც გაგაგონებთ საკუთარ ხმას. დღეს ყველაზე მნიშვნელოვანი არის ის, რომ არ მოხდეს უზენაესი სასამართლოს მონებით დაკომპლექტება. თქვენ ხართ მონები, ამ პარლამენტში სხედან მონები, რომლებმაც უფლებამოსილება შეუწყვიტეს საპროცედურო კომიტეტზე ნიკა მელიას, რატომ? იმიტომ, რომ მან აღასრულა, როგორც აღსრულების ბიუროს ხელმძღვანელმა გადაწყვეტილება, რომელიც გამოიტანა ვინ? იმ მოსამართლეებმა, რომლებსაც დღეს თქვენ უვადოდ აწესებთ. გესმით საერთოდ აბსურდი ამ სიტუაციის?“, - განაცხადა ბოკუჩავამ, რის შემდეგაც მას ანრი ოხანაშვილმა კვლავ გაფრთხილება მისცა და განაცხადა, რომ იძულებული იქნებოდა, ბოკუჩავას სხდომათა დარბაზი დაეტოვებინა.

ბოკუჩავას განცხადებით კი, სხდომა უნდა ჩაიშალოს.

„უნდა ჩაიშალოს ეს სხდომა, გადაიდოს. არავინ არ დამშვიდდება, არც სიტუაცია დამშვიდდება, არც ბოიკოტი შეჩერდება, არც პიკეტირება შეჩერდება, სანამ უმსგავსობა არ შეჩერდება. ვერ ხედავთ რა დევალუირებულია პარლამენტი, უკვე თოჯინად რომ გამოიყურებით თქვენ მანდ? ყოველგვარი ლეგიტიმაცია რომ დაკარგული აქვს ამ პარლამენტს, ვერ ხედავთ, თუ რა ხდება? ხუნდაძე და მდინარაძე ერთმანეთს რომ ედებატებოდნენ „იმედზე“, იმის მოწყობას აპირებთ აქ. მოვითხოვთ, რომ გადაიდოს ეს სხდომა იმისთვის, რომ უზენაეს სასამართლოში არ გამწესდნენ მონები და არ წაართვან ჩვენს ქვეყანას სამართლიანი სასამართლოს უფლება. ეს არის ჩვენი ქვეყნის მომავალი, ეს არის ჩვენი შვილების მომავალი, ვიღაც გვრიტიშვილებმა არ უნდა გადაუწყვიტონ ჩვენს შვილებს მომავალი“, - განაცხადა ბოკუჩავამ, რის შემდეგაც ანრი ოხანაშვილმა განმარტა, რომ მას „ბოლო გაფრთხილებას“ აძლევდა.

იხილეთ ვიდეო

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო