თანათავმჯდომარეები ჟენევის დისკუსიების 50-ე რაუნდს ეხმაურებიან
ჟენევის მოლაპარაკებების თანათავმჯდომარეები დისკუსიების 50-ე რაუნდის გამართვის შემდეგ ერთობლივ განცხადებას ავრცელებენ. პრეს-კომუნიკეს მიხედვით, რომელიც ეუთო-ს ვებ- გვერდზე გამოქვეყნდა, წერია, რომ მხარეთა პოზიციები დღის წესრიგში არსებულ თემებთან დაკავშირებით, კიდევ უფრო გამძაფრდა.
„2019 წლის აგვისტოდან, ჩორჩანა-წნელისთან უსაფრთხოების სერიოზული გამოწვევები არსებობს. ხალხი მძიმე მდგომარეობაში იმყოფება. არაერთხელ მოხდა გადაადგილების თავისუფლების შეზღუდვა როგორც აფხაზეთთან, ისე სამხრეთ ოსეთთან. ხუთ თვეზე მეტია დაკეტილია სამხრეთ ოსეთის ადმინისტრაციული საზღვარის გამშვები პუნქტები, რაც იწვევს ინციდენტების, მათ შორის დაკავებების რაოდენობის გაზრდას“,-ნათქვამია განცხადებაში.
პრეს-კომუნიკეს მიხედვით, მიუხედევად იმისა, რომ საუბარი მიმდინარეობდა საქმიან ატმოსფეროში, შეთანხმებების მიღწევა ვერ მოხერხდა.
v-if="article.gallery" v-html="article.gallery"
