ვაჟა გაფრინდაშვილის მეუღლე - დადებითი მოლოდინები მაქვს - თუ რაიმე ადამიანობა, კანონიერება და სამართლიანობაა, წესით ჩემი მეუღლე 13 დეკემბერს უნდა გამოუშვან

მე ძალიან დადებითი მოლოდინებით ვარ განწყობილი და იმედია არ გამიცრუებენ,-ამის შესახებ ცხინვალში დაკავებული ექიმის ვაჟა გაფრინდაშვილის მეუღლემ თამილა ლაფანაშვილმა „ინტერპრესნიუსს“ განუცხადა, რითაც ვაჟა გაფრინდაშვილის 13 დეკემბერს გასამართ ე.წ. სასამართლო პროცესს გამოეხმაურა.

თამილა ლაფანაშვილის თქმით, მას იმედი განსაკუთრებით ჟენევის მოლაპარაკებების შემდეგ მიეცა, მას შემდეგ, რაც არაერთმა სახელმწიფომ და საერთაშორისო თანამეგობრობამ ვაჟა გაფრინდაშვილს სოლიდარობა გამოუცხადა.

„მე ძალიან დადებითი მოლოდინებით ვარ განწყობილი და იმედია, არ გამიცრუებენ. ვფიქრობ, რომ თუ რაიმე ადამიანობა, კანონიერება და სამართლიანობაა, წესით ხვალ უნდა გამოუშვან. იმედი უფრო ჟენევის მოლაპარაკებების შემდეგ მომეცა. იმდენმა ქვეყანამ და მსოფლიო თანამეგობრობამ გამოუცხადა სოლიდარობა და ჟენევის მოლაპარაკებებზეც იმდენად აქტუალური და პირველი თემა იყო , რომ მემგონი რაღაცამ უნდა იმოქმედოს, მინდა დავიჯერო ყოველ შემთხვევაში“,-განაცხადა თამილა ლაფანაშვილმა.

იხილეთ ვიდეო: საოკუპაციო ძალების მიერ გატაცებული ექიმის ვაჟა გაფრინდაშვილის ე.წ. სასამართლო პროცესი დღეს გაიმართება

ექიმ ვაჟა გაფრინდაშვილის ე. წ სასამართლო პროცესი 13 დეკემბერს არის ჩანიშნული.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა